ఛాన్స్ దొరికితే హీరోలను ఎత్తడం సినిమా వాళ్లకు వెన్నతో పెట్టిన విద్య . అయితే తాజాగా ఇలాంటి సంఘటనే ఒకటి జరిగింది. రీసెంట్ గా కుమారి 21ఎఫ్ సినిమా టీజర్ ని రిలీజ్ చేశాడు యంగ్ టైగర్ ఎన్టీఆర్. రాజ్ తరుణ్, హీబా పటేల్ లీడ్ రోల్స్ లో నటిస్తున్న ఈ సినిమాను క్రియేటివ్ డైరక్టర్ సుకుమార్ నిర్మాణ సారధ్యంలో వస్తుండటం విశేషం. అయితే కుమారి 21ఎఫ్ టీజర్ రిలీజ్ కార్యక్రమంలో దేవి ఎన్టీఆర్ ని ఆకాశానికెత్తేశాడు.
ఏకంగా ఎన్టీఆర్ ని తెలుగు తలైవా అంటూ పిలిచి సంచలనం సృష్టించాడు దేవి. ఎన్టీఆర్ మంచి నటుడే నవరసాలను పండించగల సత్తా ఉన్నోడే అయితే ప్రస్తుతం ఈ హీరో సినిమాలు బాక్సాఫీస్ దగ్గర సందడి చేయడం తగ్గించాయి. కోలీవుడ్ తలైవా అంటే రజిని కాంత్ అన్న విషయం తెలిసిందే. మరి తెలుగు తలైవా ఎన్టీఆర్ అంటూ చెప్పిన దేవి మాటలకు ఎంతమంది వంతపాడుతారో చూడాలి.
అయితే స్టార్ హీరోలందరు దాదాపు 100 కోట్ల మార్కెట్ చేస్తుంటే ఎన్టీఆర్ ఇంకా తన సినిమాలను 50 కోట్ల మార్క్ ని కూడా దాటలేకపోవడం విచిత్రం. మరి అలాంటి ఎన్టీఆర్ తెలుగు తలైవా అయ్యే ఛాన్స్ ఉందో లేదో ఫ్యాన్స్ మాత్రమే డిసైడ్ చేయాలి.
