ఈ సంక్రాంతికి 5 సినిమాలొస్తున్నాయి. అందులో ‘ఈగల్’ ఒక‌టి. 13న ‘సైంధ‌వ్‌’తో పాటుగా విడుద‌ల అవుతోంది. సెన్సార్ కూడా పూర్త‌య్యింది. అయితే ఇప్పుడు ఈ సినిమా విడుద‌ల‌పై అనుమానాలు వ్య‌క్తం అవుతున్నాయి. సంక్రాంతి పోటీ నుంచి ‘ఈగల్’ త‌ప్పుకొన్న‌ట్టు వార్త‌లొస్తున్నాయి. ర‌వితేజకు ఈమ‌ధ్య గ‌ట్టి ఎదురు దెబ్బ‌లు త‌గిలాయి. దానికి తోడు ఎందుక‌నో `ఈగల్`పై బ‌జ్ లేదు. పైగా.. తీవ్ర‌మైన పోటీ. దాంతో.. ఈ సినిమాని జ‌న‌వ‌రి 26కి షిఫ్ట్ చేసే ఆలోచ‌న‌లో ఉన్న‌ట్టు తెలుస్తోంది. జ‌న‌వ‌రి 26 ర‌వితేజ పుట్టిన రోజు. ఆ సంద‌ర్భంగా ఈ సినిమా వస్తే.. కాస్త బ‌జ్ వ‌స్తుంది, థియేట‌ర్లు పెరుగుతాయ‌ని ఆశ.
ఈరోజు ‘ఈగల్’ టీమ్ స‌మావేశం కానుంది. ర‌వితేజ, ద‌ర్శ‌కుడు, నిర్మాత…. ఈ విష‌యంపై ఈ రోజు ఓ క్లారిటీకి రానున్నారు. ర‌వితేజ ఈ సినిమాని సంక్రాంతికి రిలీజ్ చేయ‌మ‌ని ఫోర్స్ చేస్తున్న‌ట్టు టాక్. నిర్మాత మాత్రం కాస్త ఆగితే బాగుంటుంద‌ని స‌ల‌హా ఇస్తున్నార‌ట. ప్రీ రిలీజ్ ఫంక్ష‌న్ డేట్ ఎనౌన్స్ చేసి, అక్క‌డ కొత్త రిలీజ్ డేట్ ప్ర‌క‌టిస్తే బాగుంటుంద‌న్న ఆలోచ‌న కూడా ఉంది. అప్ప‌టికీ సంక్రాంతికే రావాల‌ని డిసైడ్ అయితే, సినిమాని విడుద‌ల చేసుకోవొచ్చు. లేదంటే పోస్ట్ పోన్ చేయొచ్చు. ఏదైనా ‘ఈగల్’ వ‌చ్చే అవకాశాలు 50-50 మాత్ర‌మే.
