యువ సంగీత సంచలనం అనిరుధ్ చేస్తున్న లేటెస్ట్ తెలుగు సినిమా జెర్సీ. సమ్మర్ లో విడుదల కాబోయే ఈ సినిమా కు సంబంధించిన మ్యూజిక్ అప్ డేట్ ఇది. జెర్సీ సినిమాలో నాలుగు ప్లస్ నాలుగు ఫాటలు వుంటాయట. అంటే పూర్తి నిడివి వుండే పాటలు నాలుగు, అలాగే బిట్ సాంగ్స్ నాలుగు అన్నమాట.
సినిమాలో రెండు డ్యూయట్లు, రెండు ఎమోషనల్ సాంగ్స్ వుంటాయట. మిగిలిన నాలుగు బిట్ సాంగ్స్ అప్పుడప్పుడు మెరుపులా మెరిసి వెళ్తాయన్నమాట. వీటిలో ఒక డ్యూయట్ ను బహుశా ఈ వాలంటైన్స్ డే కు విడుదల చేసే అవకాశం వుందని తెలుస్తోంది.
మళ్లీ రావా దర్శకుడు గౌతమ్ తిన్ననూరి దర్శకత్వంలో సూర్యదేవర నాగవంశీ ఈ సినిమా సితార ఎంటర్ టైన్ మెంట్స పతాకంపై నిర్మిస్తున్నారు. ఈ సినిమాలో నాని కి మూడు షేడ్స్ వుంటాయి. మరీ చిన్నప్పటి షేడ్ కోసం కొత్త బాలనటుడిని తీసుకున్నారు. యంగ్, ప్లస్ వింటేజ్ లుక్ ను నానినే చేస్తున్నారు.
