ఓయ్ సినిమా దర్శకుడు ఆనంద్ రంగ నిర్మాతగా ‘ఎరుపు’ సినిమాను నిర్మిస్తున్నారు. టైటిల్ విచిత్రంగా అనిపిస్తున్న ఈ సినిమా కథ కథనాలు కూడా చాలా కొత్తగా ఉంటాయని అంటున్నారు. ఇంతకుముందు డి.కె బోస్, పొగ సినిమాలను నిర్మించిన ఆనంద్ రంగ ఈ ఎరుపు సినిమాను చాలా ప్రత్యేక శ్రద్ధతో నిర్మించడం జరిగిందట. వెంకట్ కృష్ణ దర్శకత్వం వహిస్తున్న ఈ సినిమాలో కొత్త వారు నటిస్తున్నారు.
శేషు రెడ్డితో కలిసి ఈ చిత్రాన్ని నిర్మిస్తున్న ఆనంద్ రంగ సినిమా పోస్టర్ తో అందరిని ఆశ్చర్యపడేలా చేశారు. వైన్ గ్లాస్ లో ఎరుపు అంటూ నిన్న విడుదల చేసిన ఈ పోస్టర్స్ ప్రేక్షకులను విశేషంగా ఆకట్టుకుంటుంది. సినిమా టీజర్ ను వి.వి.ఎస్ లక్ష్మణ్, హీరో సిద్ధార్థ్ చేతుల మీదుగా ఈ నెల 21న విడుదల చేసేలా ప్లాన్ చేస్తున్నారు.
టాలీవుడ్ చాలా సినిమాలకు పోస్టర్స్ డిజైన్ చేసిన అనిల్ అండ్ భానులు ఈ సినిమాకు సహ నిర్మాతలుగా పనిచేయడం విశేషం. మరి ఆనంద్ రంగకు ఈ ఎరుపు సినిమా అయినా మంచి లాభాలను తెచ్చిపెట్టాలని కోరుకుందాం.
