హీరోగా గోపీచంద్‌, దర్శ‌కుడిగా శ్రీ‌నువైట్ల ఒకేర‌క‌మైన ‘ఫామ్‌’లో ఉన్నారు. వాళ్ల‌కో హిట్ త‌ప్ప‌నిస‌రి. ఇద్ద‌రూ క‌లిసి ఇప్పుడు ఓ సినిమా చేస్తున్నారు. వేణు దోణెపూడి నిర్మాత‌. కావ్య థాప‌ర్ క‌థానాయిక‌గా న‌టిస్తోంది. షూటింగ్ స్పీడు స్పీడుగా సాగుతోంది. మిలాన్‌లో ఓ కీల‌క‌మైన షెడ్యూల్ జ‌రిగింది. ఈ సినిమా టైటిల్ ని చిత్ర‌బృందం అధికారికంగా ప్ర‌క‌టించ‌లేదు. అయితే… తెలుగు 360కి అందిన స‌మాచారం ప్ర‌కారం ఈ చిత్రానికి ‘విశ్వం’ అనే టైటిల్ ఖ‌రారు చేసిన‌ట్టు తెలుస్తోంది. ఇదో యాక్ష‌న్ డ్రామా. శ్రీ‌నువైట్ల శైలిలో సాగే వినోదానికీ చోటుంది. కొత్త యేడాదిలోనే ఈ సినిమా టైటిల్ ని అధికారికంగా ప్ర‌క‌టించే అవ‌కాశం ఉంది. మ‌రోవైపు గోపీచంద్ ‘భీమా’ అనే చిత్రంలో న‌టిస్తున్న సంగ‌తి తెలిసిందే. ఇందులో గోపీచంద్ పోలీస్ అవ‌తార్‌లో క‌నిపించ‌బోతున్నాడు. గోపీచంద్ పోలీస్ గెట‌ప్ వేసిన సినిమాల‌న్నీ బాగానే ఆడాయి. సో… ఆ సెంటిమెంట్ ని మ‌ళ్లీ న‌మ్ముకొన్నాడ‌న్న‌మాట‌.