నితిన్ – వ‌క్కంతం వంశీ సినిమా `ఎక్ట్రా ఆర్డిన‌రీ మెన్‌` ట్రైల‌ర్ వ‌చ్చింది. ట్రైల‌ర్ అంతా స‌ర‌దా స‌ర‌దాగా సాగిపోయింది. నితిన్ లుక్ క్లాస్ గా ఉన్నా, బాడీ లాంగ్వేజ్, డైలాగ్ డెలివ‌రీ ఊర మాస్ అనిపించాయి. వ‌క్కంతం వంశీ ట్రేడ్ మార్క్ ఎంట‌ర్‌టైన్‌మెంట్ పుష్క‌లంగా క‌నిపిస్తోంది. ఫ్యామిలీ అంతా క‌లిసి చూసేలా భ‌రోసా ఇచ్చింది ట్రైల‌ర్‌. అయితే.. ఇందులో క‌థేం రివీల్ చేయ‌లేదు. క‌నీసం ప్లాట్ ఏమిట‌న్న‌ది కూడా చెప్ప‌లేదు. కాన్ఫిక్ట్ కూడా బ‌య‌ట‌కు రాలేదు. ద‌ర్శ‌కుడు ఇది కావాల‌ని వేసిన ఎత్తుగ‌డ‌. సినిమాలో కొన్ని స‌ర్‌ప్రైజింగ్ ఎలిమెంట్స్ ఉన్నాయి. వాటిని అలానే దాచి పెట్టారు. ఓ స‌ర‌దా, ఫ్యామిలీ సినిమా చూద్దామ‌ని వెళ్లిన వాళ్ల‌కు ఆ ఎలిమెంట్స్ స‌ర్‌ప్రైజ్ చేసే అవ‌కాశాలు ఉన్నాయి. ముఖ్యంగా ఇంట్ర‌వెల్ బ్యాంగ్ నుంచి క‌థ మ‌లుపు తిరుగుతుంది. మ‌రో ప్ర‌పంచంలోకి తీసుకెళ్తుంది. నితిన్ గెట‌ప్‌, సెట‌ప్ కూడా మార‌తాయి. అది ట్రైల‌ర్‌లో రివీల్ చేయ‌లేదు. హ‌రీశ్ జ‌య‌రాజ్ ఈ చిత్రానికి సంగీతాన్ని అందించారు. ఆయ‌న పాట‌లు ఈ సినిమాకి మ‌రింత ప్ల‌స్ అయ్యే ఛాన్స్ వుంది. సినిమాలోని చివ‌రి పాట‌… మంచి డాన్స్ నెంబ‌ర్‌. ఈ పాట‌లో శ్రీ‌లీల‌, నితిన్ డాన్స్ నెక్ట్స్ లెవిల్ లో ఉంటుంద‌ని టాక్‌. ఇద్ద‌రూ మంచి డాన్స‌ర్లే. ఈ పాట‌తో ఈ సినిమా స్కేల్ మారిపోతుంద‌ని ద‌ర్శ‌క నిర్మాత‌లు న‌మ్మ‌కంగా ఉన్నారు.