మ‌ల‌యాళం న‌టుడు ఫహద్ ఫాజ‌ల్ చుట్టూ టాలీవుడ్ ప‌రుగులు పెడుతున్న‌ట్టు క‌నిపిస్తోంది. `పుష్ష`లో ప్ర‌ధాన ప్ర‌తినాయ‌కుడిగా ఫాజ‌ల్ ని ఎంచుకున్న సంగ‌తి తెలిసిందే. అందుకు గానూ ఏకంగా 5 కోట్ల పారితోషికం ఇచ్చిన‌ట్టు స‌మాచారం. ఈ సినిమా సెట్స్ పై ఉండ‌గానే… ఫాజిల్ కు మ‌రిన్ని క్రేజీ ఆఫ‌ర్లు వ‌స్తున్నాయి. తాజాగా అఖిల్ సినిమా `ఏజెంట్` కోసం ఫాజిల్ ని సంప్ర‌దించిన‌ట్టు స‌మాచారం.
అఖిల్ – సురేంద‌ర్ రెడ్డి కాంబినేష‌న్‌ల ఓ తెర‌కెక్కుతున్న చిత్రం `ఏజెంట్`. ఇందులో మ‌మ్ముట్టి ఓ కీల‌క పాత్ర‌ధారి. మ‌మ్ముట్టిని ఎంచుకోగానే, ఈ సినిమాలో త‌నే విల‌న్ అనుకున్నారంతా. అయితే.. ఇందులో మ‌మ్ముట్టిది పాజిటీవ్ పాత్ర. విల‌న్ కోసం మ‌రో.. స్టార్‌న‌టుడి అవ‌స‌రం ఏర్ప‌డింది. అందుకే ఫాజిల్ వైపు చూపు మ‌ర‌లింది. ఇప్ప‌టికీ మ‌మ్ముట్టి ఉన్నాడు కాబట్టి, ఈ చిత్రానికి మ‌ల‌యాళంలో మంచి మార్కెట్ ఏర్పుడుతుంది. ఫాజిల్ ని కూడా తీసుకుంటే… మ‌ల‌యాళ ప్రేక్ష‌కుల్ని ఆక‌ట్టుకోవ‌డం మ‌రింత సుల‌భం అవుతుంది. ఈ సినిమాకి కూడా ఫాజిల్ భారీ పారితోషికాన్నే డిమాండ్ చేస్తున్నాడ‌ని స‌మాచారం. ప్ర‌స్తుతానికి చ‌ర్చ‌లు సాగుతున్నాయి.
