విజ‌య్ దేవ‌ర‌కొండ – ప‌ర‌శురామ్ కాంబోలో రూపుదిద్దుకొంటున్న చిత్రం ‘ఫ్యామిలీ స్టార్‌’. ఏప్రిల్ 5న వ‌స్తోంది. సోమ‌వారం టీజ‌ర్ విడుద‌ల చేసిన టీజ‌ర్ క్లాసీ ట‌చ్‌తో సాగింది. ఫ్యామిలీ మెన్ క్యారెక్ట‌రైజేష‌న్‌లో విజ‌య్ ని చూపించాడు ప‌ర‌శురామ్. ట్రైల‌ర్ అయితే పూర్తిగా వేరే కోణంలో ఉండ‌బోతోంద‌ట. అందులో క‌థ‌లోని మెయిన్ పాయింట్ ని రివీల్ చేయ‌బోతున్నాడు ప‌ర‌శురామ్.
ఈ సినిమాలో విజ‌య్ స‌ర‌స‌న మృణాల్ ఠాకూర్ క‌థానాయిక‌గా న‌టిస్తున్న సంగ‌తి తెలిసిందే. మృణాల్ తో పాటుగా ఇందులో మ‌రో హీరోయిన్ కూడా ఉంది. త‌నే… దివ్యాంశ కౌశిక్‌. ‘మ‌జిలీ’ సినిమాలో ఓ క‌థానాయిక‌గా న‌టించింది దివ్యాంశ. ‘రామారావు ఆన్ డ్యూటీ’, ‘మైఖెల్’ చిత్రాల్లోనూ క‌థానాయిక‌గా మెరిసింది. ఇప్పుడు ‘ఫ్యామిలీ స్టార్లో’నూ మెర‌వ‌బోతోంది. ఈ సినిమాలో దివ్యాంశ‌ది గెస్ట్ రోల్ లాంటిదే. మ‌రో అతిథి పాత్ర‌లో ర‌ష్మిక కూడా క‌నిపించ‌నుంది. ఓ పాట‌లో ర‌ష్మిక ఇలా క‌నిపించి, అలా మాయం కానుంద‌ట. ‘గీత గోవిందం’ కాంబో మ్యాజిక్ ని రిపీట్ చేయ‌డానికే… ప‌ర‌శురామ్ ర‌ష్మిక‌ని రంగంలోకి దించిన‌ట్టు తెలుస్తోంది.
