నియంత్రిత వ్యవసాయం అంటూ.. తెలంగాణ సీఎం కేసీఆర్ చెప్పిన విధానంపై విపక్ష పార్టీలు మండిపడ్డాయి. కానీ.. రైతులు మాత్రం.. అవేమీ పట్టించుకోలేదు. కేసీఆర్ .. తమ మంచి కోసమే చెబుతారని నమ్మారు. అందుకే.. వంద శాతం నియంత్రిత వ్యవసాయంలోకి వచ్చారు. తాము వేయాలనుకున్న పంట కాకుండా.. ప్రభుత్వం సూచించిన పంటనే వేశారు. ఫలితంగా.. ఈ ఏడాది తెలంగాణలో పండబోతున్న పంటల్లో అనూహ్యమైన మార్పు కనిపించబోతోంది. ఏ పంటకు ఎంత డిమాండ్ ఉంటుందో ఏ పంట తెలంగాణ అవసరాలకు ఎంత వరకు అవసరమో.. అంచనా వేసి..అంత మేరకు.. మాత్రమే.. పంటల సాగుకు.. అధికారులకు రైతులు దిశానిర్దేశం చేశారు. దీని ప్రకారం.. ఈ ఏడాది సాగు పెరిగినా… వివిధ రకాల పంటలు.. అందుబాటులోకి రానున్నాయి.

తెలంగాణలో ముఖ్యంగా ఉత్తర తెలంగాణలో మక్కలకు మద్దతు ధర చాలా సమస్యలు సృష్టిస్తూ ఉంటుంది. మొక్కజొన్నకు డిమాండ్ తక్కువగా ఉండటం.. పంట ఎక్కువగా పండుతూండటంతో.. సమస్య వచ్చేది. ఈ సారి మాత్రం.. డిమాండ్ కు తగ్గట్లుగా మాత్రమే పంటను.. పండించేలా రైతుల్ని ఒప్పించారు. గత ఏడాది ఐదు లక్షల 27వేల ఎకరాల్లో మకల సాగు చేశారు. కానీ ఈ ఏడాది కేవలం లక్షా 23వేల ఎకరాలకే పరిమితం చేశారు. మామూలుగా రెండు సీజన్లలో కలిపి 11 లక్షల ఎకరాల్లో రైతులు మక్కల సాగు చేస్తారు. ఈ సారి ప్రభుత్వ సూచనలతో… పంటను తగ్గించడంతో.. మద్దతు ధరకుఢోకా ఉండదు. అధిక ఉత్పత్తికి అవకాశం లేదు. దీంతో రైతులు కూడా హ్యాపీగా ఉంటారు. అలాగే కంది సాగు విస్తీర్ణం తక్కువగా ఉండేది.. ఇప్పుడు.. కనీసం మూడు లక్షల ఎకరాల్లో ఎక్కువగా సాగు చేస్తున్నారు. దీని వల్ల కొరత తీరనుంది.

ఈ ఏడాది సాధారణం కంటే ఎక్కువ వర్షపాతం నమోదవడం.. ప్రాజెక్టుల్లో నీరు ఉండటంతో.. భూగర్భ జలాలు పెరగడం వంటి కారణంగా.. అంచనా వేసిన దాని కన్నా ఎక్కువగా పంటలు సాగుతున్నాయి. అయినప్పటికీ..ప్రభుత్వం.. అందరికీ.. నియంత్రిత సాగులో.. ఏ ఏ పంటలు వేయాలో.. స్పష్టమైన సూచనలు చేసింది. అలా వేసిన వారికే.. రైతు బంధు ఇస్తామని చెప్పినప్పటికీ…దానితో సంబంధం లేకపోయినా.. రైతులు.. ప్రభుత్వ సూచనలకే ప్రాధాన్యం ఇచ్చారు. ప్రభుత్వం కూడా.. రైతు బంధు ఎవరికీ ఎగ్గొట్టలేదు. అందరికీ వర్తింప చేసింది. ఈ ఏడాది తెలంగాణ వ్యవసాయ రంగంలోకి కీలకమైన మార్పులు రావడం ఖాయంగా కనిపిస్తోంది.