ఈరోజు ‘బ్రో’ నుంచి తొలి పాట రాబోతోంది. మై డియ‌ర్ మార్కాండేయ అంటూ సాగే గీతాన్ని ఈరోజు సాయింత్రం రిలీజ్ చేయ‌బోతున్నారు. ”క‌మాన్ క‌మాన్ డాన్స్ బ్రో.. జూక్ బాక్స్ ఫుల్ బ్రో ” అంటూ ట్రెండీ ప‌దాల‌తో ఈ లిరిక్ సాగ‌బోతోన్న‌ట్టు టాక్. ఇదే పాట‌లో ఊర్వ‌శీ రౌటాలా కూడా క‌నిపించ‌బోతోంది. సింపుల్ స్టెప్పుల‌తో ప‌వ‌న్‌, తేజ్‌… అభిమానుల్ని అల‌రించ‌డానికి రెడీ అయిపోయారు. త‌మ‌న్ అందించిన ట్యూన్‌, సెట్స్‌, ప‌వ‌న్‌, తేజ్‌ల కాస్ట్యూమ్స్ అన్నీ అదిరిపోయాయ‌ని తెలుస్తోంది. బ్రో సినిమాలో పాట‌ల‌కు ఛాన్స్ చాలా త‌క్కువ‌. ఉన్న‌దాంట్లోనే ప‌వ‌న్ ఫ్యాన్స్ ని ఎలా మెప్పించాలా? అనే దిశ‌గా చిత్ర‌బృందం పెద్ద క‌స‌ర‌త్తులే చేసింది. ప‌బ్ పాటే అయినా, ఊర్వ‌శీ రౌతాలా లాంటి ఐటెమ్ గాళ్ ఉన్నా… ఈ పాట‌ని చాలా ప‌ద్ధ‌తిగానే ప్ర‌జెంట్ చేన‌ట్టు తెలుస్తోంది. ఇప్ప‌టికే బ్రో నుంచి టీజ‌ర్ వ‌చ్చేసింది. ప‌వ‌న్ ఫ్యాన్స్‌కి ఈ టీజ‌ర్ పిచ్చ పిచ్చ‌గా న‌చ్చేసింది. టీజ‌ర్‌తోనే ఈ సినిమాపై అంచ‌నాలు రెట్టింపు అయ్యాయి. ఈ పాట అందుకు మ‌రింత ఊతం ఇవ్వ‌బోయేలా ఉంద‌ని టాక్‌. ఈనెల 28న బ్రో విడుద‌ల అవుతున్న సంగ‌తి తెలిసిందే. స‌ముద్ర‌ఖ‌ని ద‌ర్శ‌క‌త్వం వ‌హించిన ఈ చిత్రానికి త్రివిక్ర‌మ్ సంభాష‌ణ‌లు అందించారు.