చిరంజీవి 150వ సినిమాకి స‌గం త‌ల‌నొప్పి వ‌దిలిపోయింది. ఈ సినిమాలో హీరోయిన్ ఎవ‌రా… ఎవ‌రా…. అనే ప్ర‌శ్న‌కు ఎట్ట‌కేల‌కు స‌మాధానం దొరికేసింది. అయితే.. కాజ‌ల్ రాక చిరు సినిమాకి మేలు చేస్తుందా? లేదా? అనే కొత్త సందేహాలు ఇప్పుడు నెల‌కొన్నాయి. కాజ‌ల్ ఛార్మింగ్ గాళే. ముఫ్ఫై వ‌చ్చేసినా ఆ గ్లామ‌ర్ చెక్కు చెద‌ర‌లేదు. పైగా టాలెంటెడ్‌. కానీ.. కాజ‌ల్ ఇప్పుడు ఐరెన్ లెగ్గ్ అయిపోయింది. వ‌రుస‌గా మూడు ఫ్లాపులు తెచ్చుకొంది. బ్ర‌హ్మోత్స‌వం, గ‌బ్బ‌ర్‌సింగ్ అయితే డిజాస్ట‌ర్లుగా మిగిలిపోయాయి. పైగా ఈసినిమాలో కాజ‌ల్ గ్లామ‌ర్ అంతంత మాత్రంగానే క‌నిపించింది. దానికి తోడు మెగా ఫ్యామిలీలో ప‌వ‌న్‌కీ, అల్లు అర్జున్‌కీ ఫ్లాపులు ఇచ్చింది కాజ‌ల్‌. చ‌ర‌ణ్ తో మ‌గ‌ధీర ఒక్క‌టే సూప‌ర్ స‌క్సెస్‌. గోవిందుడు అంద‌రి వాడేలే కూడా అట్ట‌ర్ ఫ్లాపుల లిస్టులో చేరిపోయింది. ఆ లెక్క‌న మెగా హీరోల‌కు కాజ‌ల్ అచ్చురాలేద‌న్న‌మాట‌. అలాంట‌ప్పుడు వెదికి వెదికి ఈ ఫ్లాపు హీరోయిన్‌నీ, ఐరెన్ లెగ్గునీ ఎందుకు ఎంచుకొన్నార‌న్న సందేహాలు నెల‌కొన్నాయి. చిరంజీవి కూడా ఇదే కార‌ణంతో కాజ‌ల్‌ని వ‌ద్ద‌ని చెప్పాడ‌ట‌. అయితే… మ‌రో మార్గం లేక కాజ‌ల్ ఈ సినిమాలోకి ఎంట్రీ ఇచ్చింద‌ని విశ్వ‌స‌నీయ వ‌ర్గాలు చెబుతున్నాయి. సో.. ఈ ఐరెన్ లెగ్‌ని భ‌రించ‌క త‌ప్ప‌దు.