ప‌వ‌న్ క‌ల్యాణ్‌కి జాన‌ప‌ద గీతాలంటే చాలా ఇష్టం. త‌మ్ముడు, ఖుషి, జానీ సినిమాల్లో జాన‌ప‌ద గీతాల్ని వినిపించారు. అవి మాస్‌కి మాంఛి చిక్ ఇచ్చాయి. ఆయా పాట‌ల్ని ప‌వ‌న్ స్వ‌యంగా ఆల‌పించాడు కూడా. ఇప్పుడు అల్లు అర్జున్ కూడా ఓ జాన‌ప‌ద గీతాన్ని వినిపించ‌డానికి రెడీ అయ్యాడు. అల్లు అర్జున్ – త్రివిక్ర‌మ్ కాంబినేష‌న్‌లో `అల వైకుంఠ‌పుర‌ములో` తెరకెక్కుతున్న సంగ‌తి తెలిసిందే. ఇందులో శ్రీ‌కాకుళం ఏరియాల్లో బాగా పాపుల‌ర్ అయిన ఓ జాన‌ప‌ద గీతాన్ని వాడుకుంటున్నారు. ఈ పాట‌ని త‌మ‌న్ త‌న‌దైన స్టైల్‌లో స్వ‌ర‌ప‌రిచాడ‌ని తెలుస్తోంది. అయితే ఈ పాట ఆల్బ‌మ్‌లో ఉండ‌దు. సినిమాలో మాత్ర‌మే క‌నిపిస్తుంది, వినిపిస్తుంది. ఈ పాట‌ని అల్లు అర్జున్ పాడ‌తాడా, లేదంటే.. ఎవ‌రితోనైనా పాడిస్తారా? అనేది తెలియాల్సివుంది. ఇప్ప‌టి వ‌ర‌కూ ఈ సినిమా నుంచి రెండు పాట‌లు విడుద‌ల‌య్యాయి. అవి రెండూ బాగా పాపుల‌ర్ అయ్యాయి. వాటికి మించి ఈ ఫోక్ సాంగ్ ఉండ‌బోతోంద‌ట‌. మ‌రి అది ఏ స్థాయిలో పేలుతుందో తెలియాలంటే ఇంకొన్ని రోజులు ఆగాల్సిందే.