కింగ్ నాగార్జున, కార్తి కలిసి నటించిన మల్టీస్టారర్ మూవీ ఊపిరి. రిలీజ్ అయిన నాటినుండి సూపర్ హిట్ టాక్ తో దూసుకెళ్తున్న ఊపిరికి అందరి దగ్గర నుండి ప్రశంసలు అందాయి. టాలీవుడ్, కోలీవుడ్ నుండి ఎందరో ప్రముఖులు ఊపిరి సినిమాను ప్రత్యక్షంగా పరోక్షంగా మెచ్చుకున్నారు. నాగార్జున సినిమా మొత్తం వీల్ చైర్ లో కూర్చొని కూడా సినిమాను హిట్ చేశారు. అయితే ఈ సినిమా ఓవర్సీస్ లో కూడా ఓ రేంజ్ హిట్ అయ్యింది.
ఇదే విషయం తెలుసుకున్న ఫ్రెంచ్ ఇన్ టచబుల్స్ నిర్మాతలు గౌమౌంట్ సంస్థ కూడా ఊపిరి సినిమాను ప్రశంసిస్తూ ఓ ప్రకటన చేశారు. ఫ్రెంచ్ సిని చరిత్రలో అమోఘమైన విజయం సాధించిన ఈ సినిమాను రీమేక్ చేయడం పట్ల సంతోషాన్ని వ్యక్తం చేస్తూ ఒరిజినల్ వర్షన్ కన్నా ఇంకా ఎక్కువ స్థాయిలో ఊపిరి ఉందంటూ ప్రశంసించారు. ఈ సినిమా ఇంత చక్కగా రావడానికి సినిమాలో నటించిన నాగ్, కార్తి, తమన్నాలు ఒక ఎత్తైతే దర్శకుడు వంశీ పైడిపల్లి పతిభ ప్రత్యేకంగా మెచ్చుకోవాల్సి వస్తుంది. ఇక నిర్మాత పివిపి కూడా సినిమా చాలా గట్స్ తో తీశారు. సో ఊపిరి అనుకున్నంత కాదు అంతకుమిచి సక్సెస్ అయినందుకు చిత్రయూనిట్ మొత్తం సంతోషంలో మునిగితేలుతున్నారు.
