టాలెంటెడ్ యాక్టర్ ధనుష్ తన ట్రెండ్ కొనసాగిస్తూనే ఉన్నాడు. ప్రస్తుతం వడా చెన్నై సినిమాలో నటిస్తున్న ధనుష్ మోస్ట్ టాలెంటెడ్ డైరక్టర్ గౌతం మీనాన్ తో ఓ సినిమాకు సిద్ధమయ్యాడు. ఈరోజు ఉదయమే ముహుర్తం పెట్టిన ఈ సినిమాకు ‘ఎనై నొక్కి పాయుమ్ తోట’ అనే టైటిల్ పెట్టారు. ప్రేమకథల స్పెషలిస్ట్ గా చెప్పబడే గౌతం మీనన్ మొదటిసారి ధనుష్ తో పనిచేయడంతో ఈ ప్రాజెక్ట్ కు భారీ తనం తెచ్చిపెట్టింది.
ఇక తమిళ్ లో వరుస విజయాలతో దూసుకుపోతున్న ధనుష్ బాలీవుడ్ లో చేస్తున్న ప్రయత్నాలు కూడా సూపర్ సక్సెస్ అవుతున్నాయి. సూపర్ స్టార్ అల్లుడైనా తన సొంతం టాలెంట్ తో అభివృద్ధిలోకి వచ్చిన ధనుష్ సినిమా సినిమాకు తనలోని విలక్షణతను చూపిస్తూ వారెవా అనిపించుకుంటున్నాడు. మరి క్రేజీ కాంబినేషన్ గా రాబోతున్న గౌతం మీనన్, ధనుష్ ల సినిమా ఎలాంటి సంచలనాలను సృష్టిస్తుందో చూడాలి. తమిళ సినిమాలే చేస్తున్నా తెలుగులో కూడా మంచి గుర్తింపు తెచ్చుకున్న దర్శకుడు గౌతం మీనన్ డైరెక్ట్ తెలుగులో తీసిన సినిమాలు కూడా సూపర్ హిట్ సాధించాయి. మరి రాబోతున్న ఈ సినిమా తెలుగులోకి కూడా డబ్ అయ్యే అవకాశాలు ఉన్నాయని చెప్పొచ్చు.
