రాంగోపాల్ వ‌ర్మ గొప్ప ద‌ర్శ‌కుడైతే కావొచ్చు. అది ఒక‌ప్పుడు. ఇప్పుడు మాత్రం ఆయ‌న‌న్నీ సిల్లీ సినిమాలే తీస్తున్నాడ‌ని ఆయ‌న హార్డ్ కోర్ ఫ్యాన్స్ కూడా తెగ బాధ‌ప‌డిపోతుంటారు. యూ ట్యూబ్ కోస‌మే వ‌ర్మ సినిమాలు తీస్తున్నార‌ని వెట‌కారం చేసేవాళ్లూ ఉన్నారు. అందుకు త‌గ్గ‌ట్టే ఐస్ క్రీమ్ సినిమా యూ ట్యూబ్‌లో తెగ ఆడేస్తోంది. వ‌ర్మ సినిమాకి ఫ్యామిలీ ఆడియ‌న్స్ అస్స‌లు రారు. అందుకే వ‌ర్మ సినిమాల‌కు శాటిలైట్ అవ్వ‌దు. అయితే అదేంటో విచిత్రంగా వ‌ర్మ సినిమా శాటిలైట్ అమ్ముడుపోయింది.

ఆ సినిమానే అటాక్‌. మంచు మ‌నోజ్‌, ప్ర‌కాష్‌రాజ్‌, జేడీ చ‌క్ర‌వ‌ర్తి… త‌దితర తారాగ‌ణం న‌టించిన ఈ చిత్రం ఎప్పుడో పూర్త‌యిపోయింది. కానీ విడుద‌ల తేదీ విష‌యంలో మాత్రం మీన‌మేషాలు లెక్కేస్తోంది. బిజినెస్ కూడా మొద‌ల‌వ్వ‌లేదు. కానీ జెమినీ టీవీ శాటిలైట్ హ‌క్కుల్ని సొంతం చేసుకొంది. కోటి రూపాయ‌ల‌కు ఎటాక్ శాటిలైట్ అమ్ముడుపోయింద‌ని స‌మాచారం. వ‌ర్మ సినిమాకు కోటి అంటే ఎక్కువే మ‌రి. ఆ విధంగా ఎటాక్ రికార్డుల‌కెక్కిన‌ట్టే.