ఎనర్జిటిక్ స్టార్ రామ్ హీరోగా చార్మింగ్ బ్యూటీ రాశి ఖన్నా హీరోయిన్ గా నటించిన సినిమా శివమ్ . మొదటి నుండి రామ్ ఈ సినిమా మీద చాలా కాన్ఫిడెంట్ గా కనిపిస్తున్నాడు. అంతేకాకుండా దేవి తో కలిసి పనిచేయడం కూడా కలిసి వచ్చిన అంశం. జగడం తర్వాత వారిద్దరూ కలిసి పనిచేసిన సినిమా ఇదే కావడం విశేషం. యూత్ ఫుల్ కామెడీ ఎంటర్టైనర్ గా రేపు థియేటర్లలో సందడి చేయనున్న రామ్ శివమ్ శాటిలైట్ రూపంలో కూడా భారీ మొత్తానికే అమ్ముడు పోయింది. ప్రస్తుతం స్టార్ హీరోల సినిమాలను దక్కించుకోవాలని టివి చానెల్స్ కూడా పోటీ పడుతున్నాయన్న సంగతి తెలిసిందే.
అయితే రామ్ శివమ్ మూవీని కూడా జెమిని, మా టివి, జీ తెలుగు పోటీ పడగా ఫైనల్ గా జెమిని టివి 5.5 కోట్ల భారీ మొత్తంతో ఈ సినిమా శాటిలైట్ రైట్స్ దక్కించుకుంది. ప్రి రిలీజ్ బిజినెస్ లో కూడా అదరగొట్టిన శివమ్ సినిమా రామ్ కెరియర్లో అదిరిపోయే హిట్ ఇస్తుందని నమ్మకంతో ఉన్నారు చిత్ర యూనిట్. కొత్త టాలెంట్ ని ఎంకరేజ్ చేసే రామ్ ఈ సినిమాతో కూడా శ్రీనివాస్ రెడ్డి అనే న్యూ టాలెంటెడ్ దర్శకుడిని ఇండస్ట్రీకి పరిచయం చేస్తున్నాడు.
ఈ సినిమాకు ఇంకో విషయం ఏంటంటె రామ్ సొంత బ్యానర్ అయిన శ్రీ స్రవంతి మూవీస్ సక్సెస్ఫుల్ గా 30 సంవత్సరంలోకి అడుగుపెట్టింది. మరి ఇన్ని అంశాలు కలిసి వచ్చిన రామ్ శివమ్ సూపర్ హిట్ అవుతుంది అనడంలో సందేహం లేదు. మరి రామ్ శివమ్ బాక్సాఫీస్ ని ఏ విధంగా దండయాత్ర చేస్తుందో రేపటి నుండి చూద్దాం.
