రేపు (బుధ‌వారం) ఎన్టీఆర్ పుట్టిన రోజు. ఈ సంద‌ర్భంగా `ఆర్‌.ఆర్‌.ఆర్‌` నుంచి టీజ‌ర్ వ‌స్తుంద‌ని అంతా ఆశించారు. కానీ… అలాంటివేం లేద‌ని చిత్ర‌బృందం ప్ర‌క‌టించేసింది. అయితే.. ఎన్ఠీఆర్ అభిమానులు డీలా ప‌డాల్సిన ప‌ని లేదు. ఎందుకంటే.. `ఆర్‌.ఆర్‌.ఆర్‌` నుంచి ఎలాంటి స‌ర్‌ప్రైజులూ లేక‌పోయినా… ఎన్టీఆర్ బ‌ర్త్‌డే థూమ్ థామ్ గానే జ‌ర‌గ‌బోతోంది.

ఎన్టీఆర్ కోసం బిగ్ బాస్ 1 కంటెస్టెంట్లు ప్ర‌త్యేకంగా ఓ వీడియో రూపొందించారు. బిగ్ బాస్ 1కి ఎన్టీఆర్ హోస్ట్ అన్న సంగ‌తి తెలిసిందే. అప్ప‌టి జ్ఞాప‌కాల‌నో, ఎన్టీఆర్ తో త‌మ అనుబంధాన్నో గుర్తు చేసుకుంటూ ఈ వీడియో ఉండ‌బోతోంద‌ని టాక్‌. ఈ వీడియోని బుధ‌వారం ఉద‌యం 9.30 ల‌కు సంగీత ద‌ర్శ‌కుడు త‌మ‌న్ విడుద‌ల చేయ‌బోతున్నాడు. ఎన్టీఆర్ వ్య‌క్తిగ‌త ఫిట్‌నెస్‌ ట్రైన‌ర్ స్టిఫెన్స్ కూడా ఎన్టీఆర్ కి సంబంధించిన ఓ వీడియోని చూపించ‌బోతున్నాడు. బుధ‌వారమే ఈ వీడియో కూడా విడుద‌ల కానుంది. యువ క‌థానాయ‌కుడు ఫ‌ల‌క్‌నామా దాస్ హీరో విశ్వ‌క్ సేన్ ఎన్టీఆర్ పై ఓ రాప్ గీతాన్ని కంపోజ్ చేయించిన సంగ‌తి తెలిసిందే. ఈపాట కూడా రేపే బ‌య‌ట‌కు వ‌స్తోంది. మొత్తానికి ఎన్టీఆర్ పుట్టిన రోజున మూడు గిఫ్టులు సిద్ధం కాబోతున్నాయి. మ‌రి అవి ఎలా ఉంటాయో తెలియాలంటే ఇంకొన్ని గంట‌లు ఆగాలి.