మ‌ల‌యాళంలో సూప‌ర్ హిట్ట‌యిన సినిమా `లూసీఫ‌ర్‌`. ఇప్పుడు `గాడ్ ఫాద‌ర్‌`గా వ‌స్తోంది. చిరంజీవి క‌థానాయ‌కుడు. మోహ‌న్ రాజా ద‌ర్శ‌కుడు. న‌య‌న‌తార క‌థానాయిక‌. స‌ల్మాన్ ఖాన్ ఓ కీల‌క పాత్ర‌లో క‌నిపించ‌నున్నారు. సోమ‌వారం చిరంజీవి పుట్టిన రోజు సంద‌ర్భంగా ఈరోజు టీజ‌ర్ విడుద‌ల చేశారు. 90 సెక‌న్ల టీజ‌ర్ ఇది. టీజర్ అంతా చిరు ఎలివేష‌న్ల‌కే కేటాయించిన‌ట్టు అనిపిస్తోంది. ”ఇర‌వై ఏళ్లు ఎక్క‌డకెళ్లాడో ఎవ‌రికీ తెలీదు. స‌డ‌న్ గా తిరిగొచ్చిన ఆరేళ్ల‌లో జ‌నంలో మంచి పాపులారిటీ సంపాదించుకొన్నాడు” అనే డైలాగ్‌తో ఈ టీజ‌ర్ మొద‌లైంది. అక్క‌డి నుంచి అన్నీ ఎలివేష‌న్లే. సాల్ట్ అండ్ పెప్ప‌ర్ గెట‌ప్పులో చిరు కొత్త‌గా క‌నిపిస్తున్నాడు. యాక్ష‌న్ సీన్ల‌లో చిరు ఎంట్రీ.. ఫ్యాన్స్‌కి న‌చ్చుతుంది. ఈ సినిమాలో గెస్ట్ రోల్ పోషిస్తున్న స‌ల్మాన్ ఖాన్ సైతం ఎంట్రీ ఇచ్చేశాడు. ఇద్ద‌రూ టీజ‌ర్ చివ‌ర్లో.. గోడ‌లు బ‌ద్ద‌లు కొట్టుకొని రావ‌డం… ఫ్యాన్స్ కి గూజ్‌బ‌మ్స్ మూమెంటే. విజువ‌ల్స్ గ్రాండ్ గా ఉన్నాయి. చిరు నోటి నుంచి పెద్ద‌గా డైలాగులేం లేక‌పోవ‌డం మైన‌స్‌. త‌మ‌న్ ఆర్‌.ఆర్‌తో.. స‌న్నివేశాల‌కు ఎలివేష‌న్స్ తెచ్చే ప్ర‌య‌త్నం చేశాడు. విజ‌య ద‌శ‌మి సంద‌ర్భంగా అక్టోబ‌రు 5న ఈ చిత్రాన్ని విడుద‌ల చేస్తున్న‌ట్టు చిత్ర బృందం ప్ర‌క‌టించేసింది. సో… ఈ ద‌స‌రా బ‌రిలో మెగాస్టార్ ఎంట్రీ ఖాయ‌మైపోయిన‌ట్టే.