మెగా ఫ్యామిలీ నుండి వచ్చినా తనకంటూ ఒక సెపరేట్ స్టైల్ ని మెయింటైన్ చేస్తూ వస్తున్నాడు అల్లు అర్జున్. సినిమా సినిమాకు తనలోని నటన ప్రతిభను పెంచుకుంటూ స్టైల్ కు అసలు సిసలైన అర్ధంలా మారుతున్నాడు. ప్రస్తుతం అల్లు అర్జున్ బోయపాటి దర్శకత్వంలో చేస్తున్న సినిమా ‘సరైనోడు’. ఈ నెల 26న గణతంత్ర దినోత్సవం సందర్భంగా సరైనోడు ఫస్ట్ లుక్ మరియు టీజర్ విడుదల చేయనున్నారు.

అయితే హ్యాట్రిక్ హిట్స్ తో ఫుల్ ఖుషీ మీదున్న అల్లు అర్జున్ ఈ సినిమాతో కూడా సూపర్ హిట్ కొట్టేలా ప్లాన్ చేస్తున్నాడు. సినిమా ప్రి రిలీజ్ బిజినెస్ కూడా భారీగా జరుగుతుందని టాక్. ఇప్పటికే ఈ సినిమా ఓవర్సీస్ రైట్స్ 7.50 కోట్లకు అమ్ముడయ్యాయని సమాచారం. ఓవర్సీస్ లో ఇప్పటికే రెండు సినిమాలను మిలియన్ మార్క్ దాటించిన బన్నీ ఈ సినిమాతో కూడా సూపర్ కలక్షన్స్ సాధించడం ఖాయం అనేస్తున్నారు.

గీతా ఆర్ట్స్ పతాకంపై అల్లు అరవింద్ నిర్మిస్తున్న ఈ సినిమాలో రకుల్ ప్రీత్ సింగ్, కేథరిన్ లు కథానాయికలుగా నటిస్తున్నారు. థమన్ మ్యూజిక్ అందిస్తున్న ఈ సినిమాను ఫిబ్రవరిలో విడుదల చేసేలా ప్లాన్ చేస్తున్నారు దర్శక నిర్మాతలు.