గోపీచంద్ టైమ్ బాలేదు. గ‌తేడాది ఒక్క సినిమా కూడా బ‌య‌ట‌కు రాలేదు. ఆర‌డుగుల బుల్లెట్ విడుద‌ల అవ్వాల్సిందే… ఆగిపోయింది. అయితే… ఆ ఎఫెక్ట్ త‌న త‌దుప‌రి సినిమాల‌పై ప‌డ‌క‌పోవ‌డం విశేషం. గోపీచంద్ కొత్త సినిమా గౌత‌మ్ నందా.. ఇప్పుడు విడుద‌ల‌కు సిద్ధం అవుతోంది. సంప‌త్ నంది ద‌ర్శ‌క‌త్వం వ‌హిస్తున్న చిత్ర‌మిది. ఇటీవ‌లే టీజ‌ర్‌ని వ‌దిలారు. ఈ సినిమా బిజినెస్ దాదాపుగా క్లోజ్ అయిన‌ట్టే. నైజాం రూ. 6 కోట్ల‌ 30 ల‌క్ష‌ల‌కు దిల్‌రాజు తీసుకొన్నాడు.
సీడెడ్ 4 కోట్ల వ‌ర‌కూ ప‌లికింది. హిందీ డ‌బ్బింగ్ రైట్స్‌కి ఏకంగా 4.75 కోట్లు వ‌చ్చాయి. శాటిలైట్ రూపంలో మ‌రో ఐదున్న‌ర కోట్లు ద‌క్కాయి. 11 కోట్ల‌కు ఆంధ్రా హ‌క్కులు అమ్ముడ‌య్యాయి. మొత్తానికి బిజినెస్ ప‌రంగా సంతృప్తిగా ఉంది చిత్ర‌బృందం. ఇప్పుడు కావ‌ల్సింద‌ల్లా… మంచి రిలీజ్ డేట్ మాత్ర‌మే. జులైలో ఈ సినిమా విడుద‌ల అవుతోంది.