ల‌క్ష్యంలో జంట‌గా క‌నిపించారు గోపీచంద్, అనుష్క. ఇప్పుడు ఈ కాంబో మ‌రోసారి కుద‌ర‌బోతోంద‌ని స‌మాచారం. ప్ర‌స్తుతం క‌ల్యాణ్‌రామ్‌తో `నా నువ్వే` తెర‌కెక్కిస్తున్న జ‌యేంద్ర కు మ‌రో ఛాన్స్ వ‌చ్చింది. ఆయ‌న గోపీచంద్ కోసం ఓ క‌థ సిద్థం చేశార‌ని స‌మాచారం. ఇందులో అనుష్క‌ని క‌థానాయిక‌గా ఎంచుకునే అవ‌కాశాలు క‌నిపిస్తున్నాయి. ఇదో యాక్ష‌న్ డ్రామా అని తెలుస్తోంది. మార్ష‌ల్ ఆర్ట్స్ నేప‌థ్యంలో క‌థ సాగే అవ‌కాశాలున్నాయి. ఇందు కోసం విదేశాల నుంచి యాక్ష‌న్ కొరియోగ్రాఫ‌ర్ల‌ను తీసుకొస్తార‌ట. సినిమా మొత్తం ఫైట్లు, ఛేజింగుల‌తో నిండిపోతుంద‌ట. బ‌డ్జెట్ కూడా దాదాపుగా రూ.50 కోట్ల వ‌ర‌కూ ఉంటుంద‌ని స‌మాచారం. గోపీచంద్ వ‌రుస ఫ్లాపుల్లో ఉన్నాడు. అలాంటి గోపీపై రూ.50 కోట్లు పెట్టుబ‌డి పెట్టడం నిజంగా రిస్కే. `నా నువ్వే` తీస్తున్న నిర్మాత‌లే.. ఈ ప్రాజెక్టు కూడా డీల్ చేయ‌బోతున్నార‌ని తెలుస్తోంది. పూర్తి వివ‌రాలు త్వ‌ర‌లో వెల్ల‌డ‌వుతాయి.
రూ.50 కోట్ల‌తో గోపీచంద్ సినిమా?
