పాపం… గోపీచంద్ టైమ్ మ‌రీ బ్యాడ్ గా ఉంది. ఆర‌గ‌డుగుల బుల్లెట్ ఆగిపోయింది. ఎన్నో ఆశ‌లు పెట్టుకొన్న గౌత‌మ్ నంద ఫ్లాప్ అయ్యింది. `ఆక్సిజ‌న్‌` వ‌ద్దామా, రావొద్దా?? అనేది తేల్చుకోక తంటాలు ప‌డుతోంది. జ్యోతి కృష్ణ ద‌ర్శ‌క‌త్వం వ‌హించిన ఈ సినిమాపై ఇప్ప‌టికే భారీ ఎత్తున ఖ‌ర్చు పెట్టారు. సినిమా షూటింగ్ పూర్తి కావొస్తుంద‌ని అన‌గా.. ఆర్థిక కార‌ణాల వ‌ల్ల ఆగిపోయింది. ఎట్ట‌కేల‌కు ఈ సినిమాని పూర్తి చేశారు. అక్టోబ‌రు 12న ఈ సినిమాని విడుద‌ల చేస్తున్న‌ట్టు చిత్ర‌బృందం ప్ర‌క‌టించింది కూడా. ఇప్పుడు ఈ సినిమా మ‌రో సారి వాయిదా ప‌డింది. రెండు వారాలు ఆల‌స్యంగా అంటే… అక్టోబ‌రు 27న ఈ సినిమాని విడుద‌ల చేయాల‌నుకొంటోంది చిత్ర‌బృందం. తెలుగు, త‌మిళ భాష‌ల్లో ఒకేసారి తెర‌కెక్కించిన సినిమా ఇది. రెండు చోట్లా ఒకేసారి విడుద‌ల చేద్దామ‌నుకొంటున్నారు. అందుకే…. ఇంత ఆల‌స్యం అవుతోంద‌న్న‌ది చిత్ర‌బృందం మాట‌. అయితే గోపీచంద్‌కి త‌మిళంలో మార్కెట్ లేదు. త‌మిళ డేట్ల కోసం ఈ సినిమాని వాయిదా వేశార‌న‌డం కేవ‌లం ఒట్టిమాట‌. మ‌రోసారి ఈ సినిమా ఆర్థిక ఇబ్బందుల్లో చిక్కుకొంద‌ని, అందుకే విడుద‌ల ఆల‌స్యం అవుతోంద‌ని తెలుస్తోంది. యువన్ శంకర్ రాజా సంగీతం అందిచిన ఈ చిత్రంలో రాశి ఖన్నా, అను ఇమ్మాన్యుయల్ హీరోయిన్లుగా నటించారు. క‌థ‌లు, రిలీజ్ డేట్ల విష‌యంలో ప‌క్కా ప్లానింగ్‌తో వ్య‌వ‌హ‌రించే గోపీచంద్ ఈసారి ఇలా బుక్క‌యిపోతున్నాడేంటో..??