గోపీచంద్ – బి.గోపాల్ కాంబోలో ఓ చిత్రం రూపుదిద్దుకొంటున్న సంగ‌తి తెలిసిందే. న‌య‌న‌తార క‌థానాయిక‌గా న‌టిస్తోంది. ఈసినిమా కోసం చాలా టైటిళ్లు ప‌రిశీల‌న‌లోకి వ‌చ్చాయి. ఒకానొక ద‌శ‌లో ‘బ‌లం’ అని కూడా అనుకొన్నారు. అయితే… ఆ టైటిల్ కాబిల్ కి డ‌బ్బింగ్‌గా వ‌చ్చిన హృతిక్ సినిమాకి పెట్టేశారు. దాంతో గోపీచంద్ మ‌రో టైటిల్‌ని వెదుక్కోవాల్సివ‌చ్చింది. ఇప్పుడు ఆ టైటిల్ ఖ‌రారైంది. గోపీచంద్ సినిమాకి ‘ఆర‌డుగుల బుల్లెట్‌’ అనే టైటిల్ ఫిక్స్ చేశారు. అత్తారింటికి దారేది సినిమాలో ప‌వ‌న్ పై ‘వీడు ఆర‌డుగుల బుల్లెట్టూ’ అనే పాట తెర‌కెక్కించిన సంగ‌తి తెలిసిందే. ప‌వ‌న్ సినిమాల్లోని పాట‌ల ప‌దాలు సినిమా టైటిళ్లుగా మారాయి.. వాటిలో చాలా వ‌ర‌కూ విజ‌య‌వంత‌మ‌య్యాయి. ఇప్పుడు ఆ సెంటిమెంట్ నే గోపీచంద్ న‌మ్ముకొన్నాడు. మ‌ణిశ‌ర్మ సంగీతం అందించారు. మేలో ఈ చిత్రాన్ని విడుద‌ల చేయ‌నున్నారు. మ‌రోవైపు గీతా కృష్ణ ద‌ర్శ‌క‌త్వంలో రూపొందుతున్న ‘ఆక్సిజ‌న్‌’ సినిమా కూడా పూర్తికావొచ్చింది. ‘ఆర‌డుగుల బుల్లెట్‌’ త‌ర‌వాతే… ‘ఆక్సిజ‌న్‌’ విడుద‌ల‌య్యే అవ‌కాశాలున్నాయి.