సినిమా హీరోలకు సెంటిమెంట్ అనేది ఒకసారి ఏర్పడ్డదంటే ఇక దాన్ని అలానే కొనాసాగిస్తుంటారు. గోపీచంద్ కూడా తనకు మొదటి హిట్ సినిమా యజ్ఞం దగ్గరనుండి హిట్ వచ్చినా రాకున్నా ఆ రెండక్షరాల టైటిల్ సెంటిమెంట్ ని మాత్రం మార్చలేకపోతున్నాడు. తాను విలన్ గా నటించిన సినిమాలు వర్షం, నిజం సినిమాలు కూడా రెండక్షరాల టైటిల్స్ కావడం అవి కాస్త సూపర్ హిట్ కావడంతో ఇక ఆ సెంటిమెంట్ ని బలపరిచాడు గోపీచంద్. ఆ దారిలోనే అతని సినిమాలు లక్ష్యం, శౌర్యం, శంఖం, లౌఖ్యం వచ్చాయి. రీసెంట్ గా వచ్చిన గోపీచంద్ స్టైలిష్ యాక్షన్ మూవీ జిల్ కూడా రెండక్షరాల టైటిలే.
అయితే ఇదే సెంటిమెంట్ కి కొనసాగింపుగా మరోసారి తన సినిమా టైటిల్ రెండక్షరాలతో పెట్టాడు గోపీచంద్. ప్రస్తుతం రవికుమార్ చౌదరీ దర్శకత్వంలో గోపీచంద్ తీస్తున్న సినిమాకు ‘సౌఖ్యం’ అనే టైటిల్ పెట్టారని ఫిల్మ్ నగర్ టాక్. కేవలం రెడక్షరాల టైటిలే కాదు సినిమా టైటిల్ తో కథ కథనాలను కూడా తెలిసేట్టుగా చేస్తున్నాడు గోపీచంద్. రెజినా జంటగా నటిస్తున్న ఈ సినిమాను భవ్య క్రియేషన్స్ బ్యానర్లో భవ్య ఆనంద్ ప్రసాద్ నిర్మిస్తున్నారు.
పిల్లా నువ్వు లేని జీవితంతో మాంచి హిట్ కొట్టిన ఈ దర్శకుడు గోపీచంద్ కి కూడా సౌఖ్యంతో హిట్ ఇస్తాడనే నమ్ముతున్నారు గోపీ అభిమానులు. లౌఖ్యం గా హిట్ కొట్టి సౌఖ్యంగా వస్తున్నా గోపీచంద్ ఈ సినిమాతో మరో అద్భుతమైన సూపర్ హిట్ తన ఖాతాలో వేసుకోవాలని కోరుకుందాం.
