టాలీవుడ్ హీరోల్లో మాన్లీగా ఉండి హీరోయిజం చూపించే వారిలో గోపీచంద్ ఒకడు. మాస్ మసాలా సినిమాలు చేస్తూ తనకంటూ ఒక సెపరేట్ ఇమేజ్ ఏర్పాటుచేసుకున్న గోపీచంద్ ఈ మధ్య కొంచం రూటు మార్చి ఫ్యామిలీ ఎంటర్టైనర్ సినిమాల మీద పడ్డాడు. ‘లౌఖ్యం’గా హిట్ కొట్టిన ఈ హీరో స్టైలిష్ గా తీసిన జిల్ సినిమాతో పర్వాలేదనిపించుకుని ఇప్పుడు ‘సౌఖ్యం’ సినిమాతో మనముందుకు వచ్చేందుకు సిద్ధమవుతున్నాడు. తనకు యజ్ఞం లాంటి మొదటి భారీ హిట్ సినిమా ఇచ్చిన దర్శకుడు ఏ.ఎస్.రవికుమార్ తో కలిసి చేస్తున్న రెండో సినిమా సౌఖ్యం కావడంతో గోపీచంద్ ఈ సినిమాపై బాగా అంచనాలు పెట్టుకోవడం విశేషం.
భవ్య క్రియేషన్స్ బ్యానర్లో భవ్య ఆనంద్ ప్రసాద్ నిర్మిస్తున్న ఈ సినిమా ఫస్ట్ లుక్ రీసెంట్ గా రిలీజ్ చేశారు. గోపీచంద్ రెజినాల జంట చూడముచ్చటగా ఉంటూ రిలీజ్ చేసిన ఫస్ట్ లుక్ పోస్టరే సినిమాకు హిట్ కళ తెచ్చిపెట్టింది. ప్రస్తుతం షూటింగ్ జరుపుకుంటున్న ఈ సినిమా ఆడియో త్వరలో ఒంగోలులో జరుగనుంది. యాక్షన్ ఎంటర్టైనర్ గా వస్తున్న ఈ సినిమాలో రెజినా అందాలు స్పెషల్ ఎట్రాక్షన్ గా నిలిచే చాన్స్ ఉంది. మరి సౌఖ్యం సినిమాతో గోపీ ఎలాంటి హిట్ కొడతాడో తెలుసుకోవాలంటే సినిమా వచ్చేదాకా వెయిట్ చేయాల్సిందే.
