మారుతి సినిమాల్లో హీరోల క్యారెక్ట‌రైజేష‌న్లు భ‌లే విచిత్రంగా ఉంటాయి. వాటి చుట్టూనే కావ‌ల్సినంత కామెడీ పండిస్తుంటాడు. క‌థ‌లు తిప్పేస్తుంటాడు. అయితే ఈమ‌ధ్య హీరోయిన్ల పాత్ర‌ల‌పైనా ప్ర‌త్యేక‌మైన దృష్టి పెట్టాడు మారుతి. `ప్ర‌తిరోజూ పండ‌గే`లో.. రాశీఖ‌న్నాని టిట్ టాక్ స్టార్ గా చేసేశాడు. ఆ పాత్ర నుంచి కూడా కావ‌ల్సినంత కామెడీ పండింది. ఇప్పుడు `ప‌క్కా క‌మ‌ర్షియ‌ల్` అనే సినిమా చేస్తున్నాడు మారుతి. గోపీచంద్ హీరో. ఇందులోనూ రాశీఖ‌న్నానే నాయిక‌. ఈ సినిమాలోనూ రాశీ పాత్ర కామెడీ చేసేస్తుంద‌ట‌. ఇందులో ఆమె సీరియ‌ల్ స్టార్ గా క‌నిపించ‌బోతోంద‌ని స‌మాచారం. కొన్ని ఫొటోల్లో రాశీఖ‌న్నాని ఓ లాయ‌ర్ గా చూపిస్తున్నారు. అది కూడా సీరియ‌ల్ లో భాగ‌మా? లేదంటే.. రాశీ లాయ‌ర్ గా ప‌నిచేస్తూ, సీరియ‌ల్స్ లో న‌టిస్తుంటుందా? అనేది తెలియాలి. ఈ పాత్ర ద్వారా.. సీరియ‌ల్స్ ట్రెండ్స్‌నీ, సీరియ‌ల్స్‌లో న‌టించే న‌టీన‌టుల్నీ సెటైరిక‌ల్ గా చూపించ‌బోతున్నాడ‌ట మారుతి. ఆయా స‌న్నివేశాల‌న్నీ బాగా పండాయ‌ని టాక్‌.