ఈ సంక్రాంతికి ప్రేక్షకుల ముందుకు వ‌చ్చింది ‘గుంటూరు కారం’. రివ్యూల సంగతి ఎలా ఉన్నా, సంక్రాంతి సీజ‌న్ వ‌ల్ల… వ‌సూళ్లు మాత్రం బాగున్నాయి. మ‌హేష్ కెరీర్‌లో తొలి వారంతో అత్య‌ధిక వ‌సూళ్లు సాధించిన సినిమా ఇది. పైగా మ‌హేష్ లుక్‌, త‌న క్యారెక్ట‌రైజేష‌న్ ఫ్యాన్స్‌కు న‌చ్చాయి. మ‌హేష్ కొత్త‌గా ఉన్నాడ‌న్న ఫీడ్ బ్యాక్ వ‌చ్చింది. ఈ రిజ‌ల్ట్ ప‌ట్ల.. మ‌హేష్ ఆనందంగానే ఉన్నాడు. అందుకే పార్టీ మూడ్‌లోకి వ‌చ్చేశాడు. సోమ‌వారం రాత్రి మ‌హేష్… త‌న ఇంట్లో ‘గుంటూరు కారం’ టీమ్ కి పార్టీ ఇచ్చాడు. ఈ సినిమాలో ప‌ని చేసిన కొంత‌మంది న‌టీన‌టులు ఈ పార్టీలో మెరిశారు. ఈరోజు మ‌రికొంత మంది టెక్నీషియ‌న్ల‌కు పార్టీ ఇవ్వ‌బోతున్నాడు. రేపు.. దిల్ రాజు వంతు. ‘గుంటూరు కారం’ టీమ్ మొత్తానికి హైద‌రాబాద్ లో దిల్ రాజు గ్రాండ్ పార్టీ ఇవ్వ‌డానికి స‌న్నాహాలు చేస్తున్నారు. ఈ సినిమాని నైజాంలో దిల్ రాజు పంపిణీ చేసిన సంగతి తెలిసిందే. ఓ సినిమా పూర్త‌యిన వెంట‌నే టీమ్ కి పార్టీ ఇవ్వ‌డం త‌మిళ హీరోలకు సెంటిమెంట్. ఆ సంప్ర‌దాయం తెలుగు హీరోలూ పాటించ‌డం శుభ ప‌రిణామ‌మే.
‘గుంటూరు కారం’.. వ‌రుస పార్టీలు
