నాని ఓ అసాధారణ నటుడు.. అసలు కెమెరాకు రెస్పెక్ట్ ఇవ్వడు అంటూ తనకు భారీ విజయాన్ని అందించిన తన హీరో నాని గురించి హను రాఘవపూడి అన్న మాటలివి. ఇటీవల ‘కృష్ణగాడి వీర ప్రేమ గాథ’తో సూపర్ హిట్ కొట్టిన వీరి కాంబినేషన్ అదరహో అనేస్తున్నారు ప్రేక్షకులు. సినిమా ప్రతి ఫ్రేమ్ చాలా అద్భుతంగా తెరకెక్కించి దర్శకుడిగా హను మరో మెట్టు ఎక్కాడు.
ఇక తన సినిమాలో హీరో అదేనండి నాని గురించైతే తన మాటల్లో చెప్పలేనంత గొప్పగా వర్ణిస్తున్నాడు దర్శకుడు. నాని సహజ నటుడు అనేది చాలా పర్ఫెక్ట్ పదం. సీన్ చెబితే చాలు ముందు కెమెరా ఉందా లేదా అన్నంతలా సహజ నటన కనబరుస్తాడు. అంతేకాదు కెమెరాకు కనుక మాటలొస్తే కచ్చితంగా నానిని అసహ్యించుకుంటుంది అంటూ నానిని పొగడ్తలతో ముచెత్తుతున్నాడు హను. కచ్చితంగా నాని భవిష్యత్ లో మంచి నటుడిగా గొప్ప స్థాయిలో ఉంటాడని అన్నారు. మొదటి సినిమా అందాల రాక్షసితో మంచి దర్శకుడిగా గుర్తింపు తెచ్చుకున్నా రెండో సినిమా బ్లాక్ బస్టర్ హిట్ కొట్టి తన ప్రతిభను చాటుకున్నాడు హను.
ప్రస్తుతం సక్సెస్ టూర్స్ వేస్తున్న కృష్ణగాడి టీం ఈ సినిమా విజయాన్ని బాగా ఎంజాయ్ చేస్తుంది. మంచి సినిమాలను తెస్తే తెలుగు ప్రేక్షకులు ఎప్పడూ ఆదరిస్తారనే నమ్మకాన్ని నిలబెట్టారు. వారికి శుభాకాంక్షలు చెప్పేందుకే క్రిష్ణగాడి వీర విజయ యాత్ర కొనసాగిస్తున్నారు చిత్రయూనిట్.
