కొద్దికాలంగా తెలుగు సినిమాల్లో స్వచ్చమైన ప్రేమను చూపించే దర్శకులు కరువయ్యారనే వెలితి కనబడ్డది. ప్రేమకథలను కమర్షియల్ హంగులంటూ వింత పోకడలు పట్టిస్తున్న ఈనాటి సినిమాలకు చెంప పెట్టుగా తాను సినిమాలను తీస్తున్నాడు హను రాఘవపుడి. తన మొదటి సినిమా అందాల రాక్షసి సినిమాతోనే ఆ దర్శకుడి ప్రతిభ అందరు మెచ్చుకునేలా చేసింది.
ఇక ఇటీవల రిలీజ్ అయిన నాని కృష్ణగాడి వీర ప్రేమ గాథతో తనలో ఉన్న కమర్షియల్ యాంగిల్ ను కూడా చూపించాడు. అయితే దశాబ్దాలు మారుతున్నా సినిమా అంటే ప్రేమకథలే ముందు ఆలోచనకు వస్తాయి. అయితే ఆ ప్రేమకథలను కూడా కొత్తగా చెప్పే ప్రయత్నం చేస్తున్నాడు దర్శకుడు హను రాఘవపుడి. మొదటి సినిమా మంచి పేరు తీసుకురాగా రెండో సినిమా నిర్మాతలకు మంచి లాభాలను కూడా తెచ్చిపెట్టింది. ఇక ఇప్పుడు హిట్ వచ్చింది కదా కొద్దిరోజులు రెస్ట్ తీసుకోకుండా వెంటనే మరో సినిమాకు సిద్ధమవుతున్నాడు హను.
తను తీసే మూడో సినిమా కూడా ఓ ప్రేమకథే అంటూ మళ్లీ ఊరిస్తున్నాడు హను రాఘవపుడి. కృష్ణగాడి వీర ప్రేమగాథను నిర్మించిన 14 రీల్స్ వారే తన తర్వాత సినిమా కూడా నిర్మిస్తున్నారని చెప్పాడు. మరి ఆ సినిమాలో కూడా నాని హీరోగా తీసుకుంటున్నాడా లేదా అన్నది తెలియాల్సి ఉంది. సో టాలీవుడ్ కు మరో అభిరుచి గల దర్శకుడు దొరికాడు అని చెప్పడంలో ఏం సందేహం లేదు.. మీరేమంటారు రీడర్స్..!
