నాచురల్ స్టార్ గా తెలుగు ప్రేక్షకులను తన సహజ నటనతో ఆకట్టుకుంటున్న నాని ఈరోజు పుట్టిన రోజు జరుపుకుంటున్నారు. రాంబాబు, విజయలక్ష్మిలకు 1984 ఫిబ్రవరి 24న జన్మించిన నాని సినిమాల మీద ఉన్న ఇష్టంతో పరిశ్రమలో అడుగుపెట్టడం ముందు సినిమాలకు అసిస్టెంట్ డైరక్టర్ గా పనిచేసి 2008లో అష్టా చమ్మ సినిమాతో హీరోగా మారడం జరిగింది.
కెరియర్ లో 20 సినిమాల అనుభవం ఉన్న నాని నాచురల్ స్టార్ స్క్రీన్ నేమ్ కోసం ఎన్నో కష్టాలు పడ్డాడు. 2012 తర్వాత మూడు సంవత్సరాలు సరైన సినిమాలు పడక దాదాపు కెరియర్ ముగిసినందుకున్న నాని ఎవడే సుబ్రమణ్యం సినిమాతో ఆకట్టుకున్నాడు. ఇక ఆ తర్వాత భలే భలే మగాడివోయ్ నాని స్టామినా ఏంటో ప్రూవ్ చేసింది. ఇక రీసెంట్ కృష్ణగాడు వీర వ్జయం సాధించి నాచురల్ స్టార్ గా నానికి స్టార్ ఇమేజ్ తెచ్చిపెట్టింది.
చిన్న హీరోల్లో పెద్ద విజయం దక్కించుకున్న నాని నిజంగానే నాచురల్ స్టార్ అంటే నమ్మాలి. సగటు సినిమా ప్రేక్షకుడు తనన్ని తాను నాని చేసిన సినిమాలో పాత్రతో పోల్చుకునే విధంగా నటిస్తాడు.. పాత్రకు ప్రాణం పోసేలా జీవిస్తాడు. మరి బ్యాక్ టు బ్యాక్ హిట్స్ తో మంచి ఫాంలో ఉన్న నాని ఇలానే సూపర్ హిట్స్ కొడుతూ ఉండాలని కోరుకుంటూ తెలుగు360.కామ్ నానికి పుట్టినరోజు శుభాకాంక్షలు అందచేస్తుంది.
