డ్ర‌గ్స్ కేసు టాలీవుడ్‌ని ఊపేస్తోంది. ఎక్క‌డ విన్నా ఇదే చ‌ర్చ‌! ఈ కేసుతో సంబంధం లేని హీరోలు ఎదురైనా… మీడియా డ్ర‌గ్స్‌కి సంబంధించిన ప్ర‌శ్నల్ని సంధిస్తోంది. స‌ద‌రు హీరోలు ఆచితూచి స‌మాధానం ఇస్తున్నారు. ఇప్పుడు గోపీచంద్ వంతు వ‌చ్చింది. టాలీవుడ్‌పై డ్ర‌గ్స్ దుమారంపై మీ స్పంద‌న ఏమిటి?? అని అడిగితే ”డ్ర‌గ్స్ టాలీవుడ్‌నే కాదు.. రెండు తెలుగు రాష్ట్రాల‌నూ కుదిపేస్తున్న స‌మ‌స్య‌. సినిమావాళ్ల సంగ‌తి అటుంచండి. స్కూలు పిల్ల‌ల‌కూ డ్ర‌గ్స్ స‌ర‌ఫ‌రా చేస్తున్నార్ట‌. ఈ విష‌యం తెలిసి చాలా బాధ‌ప‌డ్డాను. డిప్ర‌ష‌న్ వ‌ల్లే డ్ర‌గ్స్ తీసుకొంటార‌న్న‌ది అబ‌ద్దం. అదో సాకు మాత్ర‌మే. ఒత్తిడి ఎవ‌రికి లేదు..? ఓ సాఫ్ట్ వేర్ ఇంజ‌నీర్ కూడా ఒత్తిడికి గుర‌వుతుంటాడు. వాళ్లంతా డ్ర‌గ్స్ తీసుకోవ‌డం లేదు క‌దా. అదో వ్య‌స‌నం. దాన్నుంచి బ‌య‌ట‌ప‌డాలి. ఈ విష‌యంపై ప్ర‌భుత్వం స్పందించిన తీరు బాగుంది. అయితే ఇంకాస్త ఎవైర్‌నెస్ తీసుకురావాలి. డ్ర‌గ్స్ తీసుకోవ‌డం వ‌ల్ల జీవితాలు నాశ‌నం అయిపోతాయ‌న్న నిజాన్ని అంద‌రూ గ్ర‌హించాలి” అంటూ హిత‌వు ప‌లికాడు. గోపీచంద్ క‌థానాయ‌కుడిగా న‌టించిన చిత్రం ‘గౌత‌మ్ నంద‌’. ఈనెల 28న ఈ చిత్రం విడుద‌ల అవుతోంది.