అఖిల్ ని విక్ర‌మ్ చేతిలో పెట్టేశాడు నాగార్జున‌. విక్ర‌మ్ కె కుమార్ ట్రాక్ రికార్డ్ తిరుగులేనిది. పైగా అక్కినేని కుటుంబానికి మ‌నం లాంటి క్లాసిక్ ఇచ్చాడు. దాంతో… `ఈ సినిమా విష‌యంలో నేను పెద్దగా జోక్యం చేసుకోను.. ఫుల్ రైట్స్ నీవే` అంటూ కావ‌ల్సినంత ఫ్రీడ‌మ్ ఇచ్చాడు. అయితే.. అక్క‌డే నాగ్‌కి కొత్త త‌ల‌నొప్పి మొద‌లైంది. క‌థానాయిక‌ల విష‌యంలో విక్ర‌మ్ చేస్తున్న జాప్యం నాగ్ కూడా భ‌రించ‌లేక‌పోతున్నాడ‌ట‌. ఇప్ప‌టి వ‌ర‌కూ దాదాపు డ‌జ‌నుమంది క‌థానాయిక‌ల్ని తీసుకొచ్చినా ‘నాకు న‌చ్చ‌లేదు’ అంటూ వెన‌క్కి పంపుతున్నాడ‌ట‌. హీరోయిన్ల‌ను వెద‌క‌లేక నాగ్ త‌ల ప‌ట్టుకొంటున్నాడ‌ని టాక్‌. అఖిల్ సినిమాలో ఇప్ప‌టి వ‌ర‌కూ పూర్త‌య్యింది యాక్ష‌న్ పార్టే. సీన్స్ లోకి ఇంకా దిగ‌లేదు. దానికి కార‌ణం హీరోయిన్ దొర‌క్క‌పోవ‌డ‌మే. స్టార్ హీరోయిన్ కావాలంటే క్ష‌ణాల్లో ఓకే చేయిస్తాడు నాగ్.కానీ… `నాకు కొత్త‌మ్మాయే కావాలి` అని విక్ర‌మ్ క్లారిటీగా చెప్పాడ‌ట‌. అయితే ఆ వేట ఎప్ప‌టికీ పూర్తి కావ‌డం లేదు. క‌థ‌, స్క్రిప్టు, మిగిలిన టెక్నీషియ‌న్లు, కావ‌ల్సినంత బ‌డ్జెట్ ఇవ‌న్నీ చేతిలో ఉన్నా.. ఒక్క హీరోయిన్‌లేక‌పోవ‌డం వ‌ల్ల‌.. అఖిల్ సినిమాకు బ్రేకులు ప‌డ్డాయి. ”విక్రమ్ గొప్ప ద‌ర్శ‌కుడే. కానీ కొన్ని చోట్ల మ‌రీ పెర్‌ఫెక్ట్‌గా ఉండాల‌నుకొంటాడు. హీరోయిన్ విష‌యంలో అందుకే వెదుకులాట పూర్త‌వ్వ‌డం లేదు” అని మీడియా ముందు నాగ్ సైతం నొచ్చుకోవ‌డం కొస‌మెరుపు.