పవన్ కళ్యాణ్, మహేష్ బాబు నుంచి రామ్, మంచు మనోజ్ వరకూ యువ హీరోలు అందరితోనూ తమన్నా నటించింది. మిల్క్ బ్యూటీ హీరోల లిస్ట్ చూస్తే… ప్రభాస్, ఎన్టీఆర్, రామ్ చరణ్, అల్లు అర్జున్, నాగచైతన్య తదితర యువ హీరోలు తప్ప ఎక్కడా సీనియర్లు కనిపించరు. నాగార్జునతో ‘ఊపిరి’ చేసినా… అందులో కార్తీకి జోడిగా నటించింది. తొలిసారి ఓ సీనియర్ హీరోకి జోడీగా నటించడానికి తమన్నా గ్రీన్ సిగ్నల్ ఇచ్చిందని సమాచారం. వెంకటేష్, వరుణ్ తేజ్ హీరోలుగా అనిల్ రావిపూడి దర్శకత్వంలో రూపొందనున్న సినిమా ‘ఎఫ్2’. దిల్ రాజు నిర్మిస్తున్న ఈ సినిమాలో వెంక‌టేష్‌కి జోడీగా తమన్నా నటించనుంది. ఆల్రెడీ దర్శకుడు ఆమె కథ చెప్పారని, అందులో క్యారెక్టర్ తమన్నాకు నచ్చిందని టాక్. త్వరలో సినిమాకు సంతకం చేసే అవకాశాలు వున్నాయి. ఇందులో వరుణ్ తేజ్ కి జోడీగా మెహరీన్ నటించనుంది.