మెగా మేనళ్లుడు సాయి ధరం తేజ్ మొదట స్టార్ట్ అయిన సినిమా ‘రేయ్’ అయినా సరే రిలీజ్ అయిన సినిమా ‘పిల్లా నువ్వు లేని జీవితం’ సూపర్ హిట్ అయ్యింది. బహుశా రేయ్ సినిమా ముందు రిలీజ్ కాకపోవడం సాయికి కలిసి వచ్చిందని అనాలి. రీసెంట్ గా వచ్చిన సుబ్రమణ్యం ఫర్ సేల్ సినిమా కూడా బాగా సేల్ అవ్వడంతో మూడు సినిమాలకే కుర్రాడు సుప్రీం హీరో అయ్యాడు. ప్రస్తుతం దిల్ రాకు బ్యానర్లోనే సుప్రీం సినిమా చేస్తున్నా సాయి ధరం తేజ మరో సినిమా కూడా శ్రీకారం చుట్టాడు. అనీల్ రావిపూడి డైరక్షన్లో సుప్రీంలో నటిస్తున్న సాయి మరో పక్క తిక్క సినిమా కూడా చేస్తున్నాడు.
అయితే తనకు పిల్లా నువ్వు లేని జీవితం లాంటి మొదటి హిట్ ఇచ్చిన రవికుమార్ డైరక్షన్లో మరో సినిమా చేయడానికి సన్నద్దమయ్యాడు సాయి ధరం తేజ్. రవికుమార్ గోపి చంద్ హీరోగా సౌఖ్యం మూవీని డైరెక్ట్ చేస్తున్నాడు. దాని తర్వాత కళ్యాణ్ రామ్ హీరోగా సినిమా ఓకే చేశాడు. ఆ రెండిటి తర్వాత మళ్లీ సాయితో టీం అప్ అవుతున్నాడు రవి కుమార్ చౌదరి. రిపీట్ అవుతున్న ఈ హిట్ కాంబినేషన్ ఎలాంటి సినిమా చేస్తుందో చూడాలి.
ప్రస్తుతం సాయి ధరం తేజ్ సుప్రీం షూటింగ్లో బిజీగా ఉన్నాడు. అది కంప్లీట్ అయ్యాక తిక్క దాని తర్వాత రవి కుమార్ సినిమా చేస్తాడట. కెరియర్ ఫుల్ జోష్ లో సాగుతున్న సాయికి రాబోయే సినిమాలన్ని సూపర్ హిట్స్ కావాలని కోరుకుందాం.
