ఏ ముహూర్తాన మొద‌లెట్టారో ఏమో గానీ `జాన్‌` సినిమా షూటింగ్ న‌త్త‌న‌డ‌క‌లా సాగుతోంది. ఈపాటికే సినిమా పూర్తి కావాల్సింది. కానీ ఇంకా షూటింగ్ ద‌శ‌లోనే ఉంది. ఈ సినిమా పోగ్రెస్ ఏమిటో, ఎంత షూట్ చేశారో, ఎప్పుడు బ‌య‌ట‌కు వ‌స్తుందో చిత్ర‌బృందం కూడా చెప్ప‌లేకపోతోంది. `సాహో` ఎఫెక్ట్‌తో స్క్రిప్టులో మార్పులూ చేర్పులూ చేసుకుంటూ వెళ్తున్నారు. బ‌డ్జెట్ త‌గ్గించుకోవ‌డానికి చాలా క‌స‌ర‌త్తులు చేశారు. కొన్ని ఖ‌రీదైన ఎపిసోడ్లు – తీసి, ప‌క్క‌న పెట్టేశారు. అయినా స‌రే, ఎక్క‌డ వేసిన గొంగ‌ళి అక్క‌డే ఉంది. ఈ సినిమా షూటింగ్‌కి మ‌ళ్లీ బ్రేక్ ప‌డింది. క్రిస్మ‌స్ త‌ర‌వాత కొత్త షెడ్యూలు మొద‌లుకావాల్సింది. ఇప్ప‌టి వ‌ర‌కూ అవ్వ‌లేదు. ఇప్పుడు సంక్రాంతి త‌ర‌వాతే షూటింగ్ అంటోంది చిత్ర‌బృందం. జ‌న‌వ‌రి 17 నుంచి హైద‌రాబాద్‌లో కొత్త షెడ్యూల్ మొద‌లుకానుంది. అన్న‌పూర్ణ స్టూడియోలో కొన్ని సెట్స్‌ని తీర్చిదిద్దారు. అక్క‌డే షూటింగ్ జ‌రుగుతుంది. విశ్వ‌స‌నీయ వ‌ర్గాల స‌మాచారం ప్ర‌కారం 2020 ద‌స‌రాకి త‌ప్ప జాన్ విడుద‌ల‌య్యే అవ‌కాశాలు క‌నిపిచండం లేదు. అంత‌కంటే.. ముందుగా అంటే స‌మ్మ‌ర్ సీజ‌న్‌లో విడుద‌ల చేస్తే గ‌నుక‌.. అది అద్భుత‌మ‌నే చెప్పాలి.