ప‌వ‌న్ క‌ల్యాణ్ – క్రిష్ ద‌ర్శ‌క‌త్వంలో రూపుదిద్దుకొంటున్న చిత్రం ‘హ‌రి హ‌ర వీర‌మ‌ల్లు’. చిత్రీక‌ర‌ణ శ‌ర‌వేగంగా సాగుతోంది. ఇటీవ‌ల ఇంట్ర‌వెల్ బ్యాంగ్ పూర్తి చేశారు. మ‌రో కీల‌క‌మైన షెడ్యూల్ కోసం చిత్ర బృందం స‌మాయాత్త‌మ‌వుతోంది. ఈ చిత్రానికి బుర్రా సాయిమాధ‌వ్ డైలాగులు అందిస్తున్న సంగ‌తి తెలిసిందే. ఎమోష‌న్‌, సెంటిమెంట్, హీరోయిజం డైలాగుల్ని ఆయ‌న బాగా రాస్తారు.పైగా క్రిష్‌తో ఆయ‌న‌కు మంచి అనుబంధం ఉంది. ఈమ‌ధ్య‌క్రిష్ చిత్రాల‌న్నింటికీ ఆయ‌నే రైట‌ర్‌. అలానే… ‘హ‌రి హ‌ర వీర‌మ‌ల్లు’కీ ఆయ‌నే డైలాగులు అందించారు. అయితే.. ఈ సినిమాలో కొన్ని కామెడీ ఎపిసోడ్లు ఉన్నాయ‌ట‌. వాటి కోసం చిత్ర‌బృందం హైప‌ర్ ఆది స‌హాయం తీసుకొంద‌ని టాక్‌. ఈ సినిమాలో హైప‌ర్ ఆది కూడా కీల‌క‌మైన పాత్ర పోషిస్తున్నాడు. త‌న కామెడీ టైమింగ్‌, పంచ్‌లూ బాగుంటాయి. అందుకే కామెడీ సీన్ల వ‌ర‌కూ.. త‌న పంచ్‌లు కొన్ని యాడ్ చేసుకొన్నార్ట‌. అవ‌న్నీ తెర‌పై బాగా వ‌చ్చాయ‌ని తెలుస్తోంది. బుర్రాతో పాటుగా ఇంకో రైట‌ర్ కూడా ఈ సినిమాకి పెన్ను స‌హాయం అందిస్తున్నార‌ని స‌మాచారం. మొత్త‌మ్మీద స్క్రిప్టు, స‌న్నివేశాల రూప‌క‌ల్ప‌న విష‌యంలో క్రిష్ త‌గిన జాగ్ర‌త్త‌లే తీసుకొంటున్న‌ట్టు క‌నిపిస్తోంది. మొగ‌ల్ సామ్రాజ్య నేప‌థ్యంలో సాగే క‌థ ఇది. ఔరంగ‌జేబు పాత్ర‌లో బాబీ డియోల్ న‌టిస్తున్న సంగ‌తి తెలిసిందే. కీర‌వాణి ఈ చిత్రానికి సంగీతం అందిస్తున్నారు. ఏఎం ర‌త్నం నిర్మాత‌.