హైదరాబాద్: విమానయాన సంస్థల మధ్య పోటీ ప్రయాణీకులకు కలిసొస్తోంది. ఇండియాలో అతిపెద్ద విమానయాన సంస్థ ఇండిగో మకర సంక్రాంతి సందర్భంగా ఒక ఆఫర్‌ను ప్రకటించింది. 2016 ఫిబ్రవరి 3 నుంచి 2016 ఏప్రిల్ 12 వరకు దేశంలోపల ఎక్కడికైనా ప్రయాణించాలనుకుంటే వారికి రు. 806కే టికెట్ అమ్ముతున్నారు. ఈ అడ్వాన్స్ బుకింగ్ నిన్నే ప్రారంభమయింది. రేపటితో క్లోజ్ అవుతుంది. ఇంకెందుకు ఆలస్యం! త్వరపడండి.
విమాన ప్రయాణీకులను ఆకట్టుకోవటంకోసం విమానయాన సంస్థలు కొంతకాలంగా తెగ తంటాలు పడుతున్నాయి. స్పైస్ జెట్, గో ఎయిర్, ఎయిర్ ఏషియా వంటి విమానయాన సంస్థలు ఇప్పటికే టికెట్ రేట్లను అతి తక్కువ ధరలకు ఆఫర్ చేశాయి. గో ఎయిర్ అయితే రు.601 లకే టికెట్లను అమ్మింది. నూతన సంవత్సర సందర్భంగా ఇటీవల స్పైస్ జెట్ రు.716కు, ఎయిర్ ఏషియా రు.899కు టికెట్లు అమ్మాయి. విమానయాన చమురు ధరలు పడిపోవటం వలనే విమానయాన సంస్థలు ఇంత తక్కువ రేట్లకు అమ్మగలుగుతున్నాయని తెలుస్తోంది.
