సుధీర్‌బాబు – ఇంద్ర‌గంటి మోహ‌న‌కృష్ణ కాంబినేష‌న్‌లో ఓ సినిమా రూపుదిద్దుకుంటున్న సంగ‌తి తెలిసిందే. ఈ కాంబోలో వ‌స్తున్న హ్యాట్రిక్ మూవీ ఇది. ఇది వ‌ర‌కు వీరిద్ద‌రూ క‌లిసి `స‌మ్మోహ‌నం`, `వి` చిత్రాలు చేశారు. ఇది మూడోది. ఈసారి ఇంద్ర‌గంటి త‌న‌కు అచ్చొచ్చిన ప్రేమ‌క‌థ‌ని ఎంచుకున్నాడు. రొమాంటిక్ కామెడీ జోన‌ర్‌లో ఈ చిత్రాన్ని తెర‌కెక్కిస్తున్నాడు. ఈ రోజు సాయింత్రం టైటిల్‌ని రివీల్ చేయ‌బోతున్నారు. ఈ చిత్రానికి `మీకో అమ్మాయి గురించి చెప్పాలి` అనే టైటిల్ ఫిక్స్ చేసిన‌ట్టు తెలుస్తోంది.ఆ అమ్మాయి.. ఇంకెవ‌రు..? మ‌న కృతి శెట్ఇనే. `ఉప్పెన`తో మంచి ఫాలోయింగ్ సంపాదించుకుంది కృతి. ఆ సినిమా బ‌య‌ట‌కురాకుండానే.. ఇంద్ర‌గంటి సినిమాలో ఛాన్స్‌కొట్టేసింది. ఇంద్ర‌గంటి సినిమాల్లో క‌థానాయిక పాత్ర‌కు మంచి వాల్యూఉంటుంది. ఈ సినిమాలోనూ క‌థంతా.. ఆ పాత్ర చుట్టూనే తిరుగుతుంద‌ట. క‌థానాయిక పాత్ర‌లో చాలా కోణాలుంటాయ‌ని, అవే ఈ సినిమాకి ప్ర‌ధాన ఆక‌ర్ష‌ణ అని తెలుస్తోంది.
ఇంద్ర‌గంటి చెప్పే.. అమ్మాయి క‌బుర్లు!
