విజ‌య్ దేవ‌ర‌కొండ సినిమా ‘ఫ్యామిలీస్టార్‌’ బొమ్మ మ‌రి కొన్ని గంట‌ల్లో తెర‌పై ప‌డ‌బోతోంది. ఈ సినిమాకి పాజిటీవ్ బ‌జ్ నడుస్తోంది. కుటుంబ స‌మేతంగా చూసే సినిమా థియేట‌ర్ల ముందుకు వ‌చ్చి చాలా కాల‌మైంది. ఆ లోటు… ‘ఫ్యామిలీ స్టార్’ తీర్చే అవ‌కాశాలు పుష్క‌లంగా క‌నిపిస్తున్నాయి. విజ‌య్‌కు యూత్ లో మంచి ఫాలోయింగ్ ఉంది. తొలి మూడు రోజులు యూత్ తో నిండిపోయినా, ఆ త‌ర‌వాత మెల్ల‌గా ఫ్యామిలీ ఆడియ‌న్స్ థియేట‌ర్ల‌కు వ‌స్తారు. సో… ర‌న్ విష‌యంలో దిల్ రాజుకి కొండంత ధీమా ఉంది. సెన్సార్ రిపోర్ట్ కూడా ఫుల్ పాఇటీవ్ గా ఉంది. ఫ‌స్టాఫ్‌లో ల‌వ్ స్టోరీ, సెకండాఫ్‌లో ప్రీ క్లైమాక్స్‌, క్లైమాక్స్ బాగా డిజైన్ చేశార‌ని టాక్‌. హీరో, హీరోయిన్ల కెమిస్ట్రీ, వాళ్ల మ‌ధ్య న‌డిపిన డ్రామా ఈ చిత్రానికి ప్ర‌ధాన ఆక‌ర్ష‌ణ కానున్నాయి. యాక్ష‌న్ స‌న్నివేశాల్ని కూడా చాలా స్టైలీష్‌గా తీర్చిదిద్దాడ‌ట ప‌ర‌శురామ్. ఇక ప‌ర‌శురామ్ అంటే వ‌న్ లైన‌ర్లు బాగానే పేల‌తాయి. `ఫ్యామిలీ స్టార్‌`లోనూ ఆ పంచ్ బాగానే వినిపించే ఛాన్స్ వుంది. కాస్త ఆల‌స్యంగా బుక్ మై షోలో అడ్వాన్స్ బుకింగ్స్ ఓపెన్ చేశారు. అయినా సరే, స్పంద‌న బాగుంది. నిజానికి ఏపీ, తెలంగాణ‌ల‌లో ప్రీమియ‌ర్ షోలు ప్లాన్ చేశారు. కానీ చివ‌రి నిమిషంలో.. ఆ ప్ర‌తిపాద‌న విర‌మించుకొన్నారు. ‘గీత గోవిందం’ సినిమాతో విజ‌య్ – ప‌ర‌శురామ్ రూ.100 కోట్లు కొట్టారు. ఈ సినిమాతో రూ.200 కోట్లు టార్గెట్ గా పెట్టుకొన్నారు. ఫ్యామిలీకి న‌చ్చితే రూ.200 కోట్లు పెద్ద మేట‌రేం కాదు. మ‌రి ఏం జ‌రుగుతుందో చూడాలి.