‘ఎవ్వరికీ చెప్పొద్దు’ సినిమాతో ఆకట్టుకున్నాడు రాకేష్ వర్రే. మంచి కాన్సెప్ట్ తో అలరించిందా సినిమా. ఇప్పుడు ఆయన నిర్మాణంలో”పేకమేడలు” అనే సినిమా రూపుదిద్దుకుంది. వినోద్ కిషన్, అనూష కృష్ణ హీరో హీరోయిన్లుగా పరిచయం అవుతున్నారు. తాజాగా ఈ సినిమా ఫస్ట్ లుక్ మోషన్ పోస్టర్ రిలీజ్ చేశారు.
ఆకాశానికి నిచ్చన వెయ్యొద్దనే మాట మనం తరచూ వాడుతుంటాం. సరిగ్గా ఇదే మాటని గుర్తు చేస్తూ ఆకాశానికి నిచ్చే వేస్తూ ఫస్ట్ లుక్ పోస్టర్ రిలీజ్ చేయడం ఆసక్తికరంగా వుంది. ‘పేకమేడలు’ టైటిల్ పోస్టర్ కు సరిగ్గా సరిపోయింది.
కంటెంట్ లో కొత్తదనం వుంటే చిన్న సినిమాలు కూడా అద్భుతాలు చేస్తున్నాయి. రాకేశ్ చేసిన తొలి సినిమా కూడా కంటెంట్ బలం ఉన్నదే. ఈ పోస్టర్ చూస్తుంటే మరో కొత్త కాన్సెప్ట్ ఆధారంగా తీశారని అర్ధమౌతోంది. ఆగస్ట్ లో సినిమా విడుదల చేయానికి సన్నాహాలు చేస్తున్నారు.
