‘పుష్ప2’ ప్రమోషన్స్ కు తెర లేచింది. ఈ రోజు శ్రీవల్లి పాత్ర ఫస్ట్ లుక్ ని రివిల్ చేశారు. అల్లు అర్జున్ పుట్టినరోజు సందర్భంగా ఈ నెల 8న టీజర్‌ని విడుదల చేస్తున్నారు. టీజర్ కి సంబధించిన అన్ని పనులు పూర్తయ్యాయి. దేవిశ్రీ ఆర్ఆర్ కూడా కంప్లీట్ చేశారు. టీజర్ పవర్ ప్యాక్డ్ గా వచ్చిందని తెలిసింది. ముఖ్యంగా టీజర్ లో గంగమ్మ జాతర హైలెట్ గా ఉండబోతుందని వినికిడి. ఈ ఎపిసోడ్ ని దాదాపు 50 కోట్లు ఖర్చు చేసి చిత్రీకరించారు సుకుమార్. సినిమా మొత్తంలో హై బడ్జెట్ సీక్వెన్స్ ఇదే. కథలో చాలా ఎమోషన్ యాడ్ చేసే ఘట్టమిది. అల్లు అర్జున్ ఫస్ట్ లుక్ లో కనిపించిన గంగమ్మ తల్లి గెటప్ ఈ జాతరలోనిదే. టీజర్ లో మొత్తం గెటప్ ని రివిల్ చేయబోతున్నారు.
దీంతో పాటు టీజర్ లో ‘తగ్గేదేలే’ సిగ్నేచర్ డైలాగ్ కూడా ఉంటుందని తెలుస్తోంది. ‘పుష్ప’కి కొనసాగింపుగా వస్తున్న ‘పుష్ప2’పై భారీ అంచనాలు ఉన్నాయి. అందుకు తగ్గట్టుగానే అన్ని హంగులతో చిత్రాన్ని రూపొందిస్తున్నారు. ఆగస్ట్ 15న సినిమా ప్రేక్షకుల ముందుకు వస్తోంది.
