ఇటీవ‌ల సోషల్ మీడియాలో గ‌ట్టిగా వినిపిస్తున్న పేరు.. స‌మంత. నాగ‌చైత‌న్య‌తో స‌మంత విడాకులు తీసుకోబోతోంద‌న్న వార్త‌పై ఇండ్ర‌స్ట్రీ మొత్తం హాట్ హాట్ గా చ‌ర్చిస్తోంది. ఈ విష‌యంలో నిజానిజాలేమిటో.. చై – స‌మంత‌లే చెప్పాలి. అయితే ఈలోగా స‌మంత ఓ కీల‌క‌మైన నిర్ణ‌యం తీసుకున్న‌ట్టు విశ్వ‌స‌నీయ వ‌ర్గాల స‌మాచారం. త్వ‌ర‌లోనే స‌మంత ముంబైకి షిఫ్ట్ అవ్వాల‌ని నిర్ణ‌యించుకుంద‌ట. ది ఫ్యామిలీమెన్ వెబ్ సిరీస్ తో స‌మంత‌కు మంచి పేరొచ్చింది. దాంతో.. బాలీవుడ్ నుంచి అవ‌కాశాలు మొద‌ల‌య్యాయ‌యిని టాక్‌. నిజానికి స‌మంత‌కు బాలీవుడ్ వెళ్లాల‌న్న ఆస‌క్తి, ఆత్రుత ఏమాత్రం ఉండేవి కావు. కానీ బిజినెస్ మేన్ 2తో బాలీవుడ్ కిక్కేమిటో అర్థ‌మైంది. అందుకే కొన్నాళ్ల పాటు అక్క‌డ దృష్టి పెట్టాల‌ని నిర్ణ‌యించుకుంద‌ట. ఈలోగా ముంబైలో ఓ ఫ్లాట్ కూడా కొనుగోలు చేసిందని, అక్క‌డ త‌న‌కంటూ ఓ పీఆర్‌నీ, మేనేజ‌ర్‌ని నియ‌మించుకుంద‌ని తెలుస్తోంది. కొన్నాళ్లు సినిమాల‌కు బ్రేక్ ఇవ్వాల‌నుకుంటున్నా – అని స‌మంత ఇటీవ‌లే ప్ర‌క‌టించింది. ఆ బ్రేక్ అవ్వ‌గానే.. బాలీవుడ్ లో ఒక‌ట్రెండు సినిమాలు చేయాల‌ని డిసైడ్ అయ్యింద‌ట. స‌మంత ముంబైకి మ‌కాం మార్చ‌డం వెనుక… `చైతో విడాకులు` అనే విష‌యం ఏమైనా ఉందా? అంటూ ఇప్పుడు కొత్త కోణాల్ని అన్వేషిస్తోంది టాలీవుడ్.
ముంబైకి షిఫ్ట్ అవుతున్న‌స‌మంత?
