నాని జోరుమీదున్నాడు. ఓ సినిమా సెట్స్‌పై ఉండ‌గానే మ‌రో రెండు సినిమాల్ని సెట్ చేసుకోగ‌లుతున్నాడు. ప్ర‌స్తుతం నిన్నుకోరి సినిమా ప‌నుల్లో బిజీగా ఉన్నాడు నాని. ఇప్పుడు హ‌ను రాఘ‌వ‌పూడి క‌థ‌కి ఓకే చెప్పాడు. వీరిద్ద‌రి కాంబినేష‌న్‌లో కృష్ణ‌గాడి వీర ప్రేమ‌గాథ వ‌చ్చిన సంగ‌తి తెలిసిందే. ఆ సినిమా హిట్ట‌వ్వ‌డ‌మే కాదు, హ‌ను రాఘ‌వ‌పూడికి ద‌ర్శ‌కుడిగా మంచి బ్రేక్ ఇచ్చింది. ఇప్పుడు మ‌రోసారి వీరిద్ద‌రూజ‌ట్టు క‌ట్ట‌బోతున్నారు. ఈ చిత్రానికి ‘అదివో అల్ల‌దివో శ్రీ‌హ‌రి వాస‌మూ’ అనే టైటిల్‌ని ప‌రిశీలిస్తున్న‌ట్టు టాక్‌. తిరుప‌తి నేప‌థ్యంలో సాగే ప్రేమ‌క‌థ ఇది. అందుకే ఈ టైటిల్‌ని ఖ‌రారు చేయ‌నున్న‌ట్టు స‌మాచారం. టైటిల్ అయితే.. శుభ‌ప్ర‌దంగా ఉంది. క‌థ‌, క‌థ‌నాలు ఎలా ఉంటాయో చూడాలి. ప్ర‌స్తుతం నితిన్‌తో ఓ సినిమా చేస్తున్నాడు హ‌ను. ఆ వెంట‌నే నాని సినిమా ప‌ట్టాలెక్కే ఛాన్సుంది.