‘నేను శైలజా’ లాంటి డిసెంట్ హిట్ తర్వాత దర్శకుడు కిషోర్ తిరుమల, విక్టరీ వెంకటేష్ తో జతకట్టాడు. వీరిద్దరి కలయికలో ‘ఆడాళ్లూ… మీకు జోహార్లు’ అనే సినిమా ప్రకటన వచ్చింది. పి.ఆర్‌.సినిమాస్‌ పతాకంపై నిర్మాత రామ్మోహన్‌రావు ఈ చిత్రాన్ని నిర్మిస్తున్నట్లు ప్రకటన చేశారు.
హీరోయిన్ గా నిత్యమేనన్ ను ఎంపిక చేశారు. ”ఏజ్ గ్యాప్ వున్నా ఓ జంట మధ్య ప్రేమ నేపథ్యంలో సాగే కుటుంబ కథా చిత్రమిది. కథని వినోదాత్మకంగా తీర్చిదిద్దిన విధానం బాగుంది. సినిమా షూటింగ్ గురించి ఆసక్తిగా ఎదురు చూస్తున్నా” అంటూ ఆమధ్య ఓ ప్రకటన కూడా చేసింది నిత్య. అనసూయ, తెజస్వీలను కూడా కీలక పాత్రలలో ఎంచుకున్నారు. దేవిశ్రీ ప్రసాద్ ని సంగీత దర్శకుడిగా ఎంపిక చేశారు. షూటింగ్ కూడా మొదలైయింది.
అయితే మధ్యలో ఏమైయిందో.. ఈ సినియా జాడ లేకుండా పోయింది. ఈ సినిమాకి సంబధించి ఎలాంటి అప్డేట్ లేదు. పెద్దనోట్ల రద్దు ప్రభావం ఈ సినిమా పై పడింది అని ఆ మధ్య ఓ కబురు వినిపించింది. అంతే.. అప్పటి నుండి ఈ సినిమా ఆజాపాజా లేకుండాపోయింది. ఇప్పుడు దర్శకుడు కిషోర్ తిరుమల, రామ్ సినిమాతో బిజీ అయిపోయాడు. ‘ఆడాళ్లూ… మీకు జోహార్లు’ మాత్రం అడ్రస్ లేకుండా వుంది.
