‘ఇస్మార్ట్ శంక‌ర్’ ట్రైల‌ర్‌, టీజ‌ర్‌లు కాస్త హాట్ హాట్‌గానే ఉన్నాయి. పూరి డైలాగుల్లో మ‌సాలా బాగా ద‌ట్టించాడు. అయితే ఆ డోసు సినిమాల్లో ఇంకాస్త ఎక్కువ‌గానే ఉన్న‌ట్టు టాక్‌. రామ్ డైలాగులు ఎక్కువ‌గా డ‌బుల్ మీనింగ్ కోణంలోనే ఉంటాయ‌ట‌. కొన్ని ముత‌క సామెత‌ల్ని మ‌రింత నాటుగా ఈ సినిమాలో ప‌లికిన‌ట్టు తెలుస్తోంది. (పిల్లి గుడ్డిదైతే.. ఎల‌క‌….. లాంటివి ట్రైల‌ర్‌లో వినిపించాయి కూడా). ఈ విష‌యంలో రామ్‌తో పాటుగా న‌భా న‌టేషా కూడా వాటాకొచ్చింద‌ని స‌మాచారం. న‌భా ఇందులో తెలంగాణ పోరిగా క‌నిపించింది. త‌ను కూడా కొన్ని డ‌బుల్ మీనిండ్ డైలాగుల్ని ఎదేఛ్ఛ‌గా చెప్పింద‌ట‌. దాంతో పాటు ఒక‌ట్రెండు హాట్ సీన్లు కూడా ఈ సినిమాలో ఉన్నాయ‌ని స‌మాచారం. పూరి సినిమాల్లో డైలాగులు స్ట్రైట్ ఫార్వ‌ర్డ్‌గా ఉంటాయి. కాక‌పోతే.. ఇంత నాటుగా ఎప్పుడూ వాడ‌లేదు. తొలిసారి పూరి త‌న నాటు స్టైల్ చూపించ‌బోతున్నాడు. వీటిలో కొన్ని డైలాగులు, సీన్లు సెన్సార్ క‌త్తిర్ని దాటుకుని రావ‌డం అనుమాన‌మే అని తెలుస్తోంది. కాక‌పోతే ఈమ‌ధ్య సెన్సార్ కాస్త చూసీ చూడ‌న‌ట్టు ప్ర‌వ‌ర్తిస్తోంది. `ఫ‌ల‌క్‌నామా దాస్` లాంటి సినిమాలే అందుకు సాక్ష్యం. పూరి కూడా సెన్సార్ బోర్డుని ఏదోలా ఒప్పించి – త‌న డైలాగుల్నీ, సీన్ల‌నూ పాస్ చేయించుకోవాల‌ని చూస్తున్నాడు. ఏమైనా ఈ సినిమాకి `ఏ` స‌ర్టిఫికెట్ రావ‌డం ఖాయంలానే క‌నిపిస్తోంది. సోమ‌, మంగ‌ళావ‌రాల్లో `ఇస్మార్ట్‌` సెన్సార్ ముందుకు వెళ్ల‌నుంది.