ఐవి శశి. ఈ పేరు మలయాళ ప్రేక్షకులకే కాదు, తెలుగు ప్రేక్షకులకు కూడా సుపరిచితం. మలయాళంలో దాదాపు 150 సినిమాలు చేసిన దర్శకుడు. రకరకాల జోనర్లు. అందులోనే బోలెడు హిట్ లు. అలనాటి సీమ భర్తగా ఆయన పేరు సుపరిచితం. ఇప్పుడు ఆయన కొడుకు తెలుగు పరిశ్రమకు పరిచయం కాబోతున్నాడు.

అని శశి అనే ఐవి శశి కొడుకు ఓ మాంచి సబ్జెక్ట్ పట్టుకుని తెలుగు పరిశ్రమలోకి అడుగుపెట్టినట్లు తెలుస్తోంది. ఇప్పుడు ఈ సబ్జెక్ట్ మీద ఓ యంగ్ హీరోతో డిస్కషన్లు నడుస్తున్నాయి. అవి పూర్తయితే. ఓ పెద్ద బ్యానర్ లో సినిమా ఫైనల్ కావడానికి మార్గం రెడీగా వుంది.

కొత్త డైరక్టర్ల కోసం టాలీవుడ్ ఎదురుచూస్తోంది. అందులోనూ వైవిధ్యమైన కథలు, టేకింగ్ వుంటే జనాలు నెత్తిన పెట్టుకుంటున్నారు. ఇలాంటి టైమ్ లో, మలయాళలో చిరకాలం తండ్రి ఐవి శశి దగ్గర, మరో ప్రముఖ దర్శకుడు ప్రియదర్శన్ దగ్గర వర్క్ చేసిన అనిశశి తెలుగులో ఫస్ట్ సినిమా చేయాలనుకోవడం మంచి నిర్ణయమే.