జగన్మోహన్ రెడ్డి నేటి నుండి గుంటూరులో చేపట్టనున్న ప్రత్యేక దీక్షకు మళ్ళీ చిన్న ఆటంకం ఏర్పడింది. క్రిందటిసారి పోలీసులు అడ్డుపడటం వలన దీక్షను నేటికి వాయిదా వేసుకోవలసివస్తే ఈసారి జగన్ హైదరాబాద్ లో విమానాశ్రయానికి చేరుకోవడంలో ఆలశ్యం అవడంతో ఫ్లయిట్ మిస్ అవడంతో దీక్ష కొన్ని గంటలపాటు వాయిదా వేసుకోవలసి వస్తోంది. ఆయన తన కారులో రోడ్డు మార్గం ద్వారా విజయవాడకు బయలుదేరారు. విజయవాడ చేరుకొన్న తరువాత కనకదుర్గ అమ్మవారిని దర్శించుకొంటారు. ఆ తరువాత అక్కడి నుండి నేరుగా గుంటూరులో దీక్షా వేదిక చేరుకొని దీక్ష ఆరంభిస్తారు. బహుశః మధ్యాహ్నం 12-2గంటల మధ్య గుంటూరు చేరుకొని దీక్ష మొదలుపెట్టే అవకాశం ఉంది.