టాలీవుడ్ స్మార్ట్ యాక్టర్.. జగపతిబాబు సోషల్ మీడియాలో.. పెట్టిన ఓ పోస్ట్ వైరల్ అయిపోయింది. ఓ కాసినోలో నిలబడి.. స్టైల్‌గా ఫోటో దిగి… తాను పందేలకు దిగబోతున్నానని… విష్ చేయమని.. ఆయన నెటిజన్లను.. కోరారు. దాంతో.. ఒక్క సారిగా.. నెటిజన్ల నుంచి అనూహ్యమైన రెస్పాన్స్ వచ్చిది. అవన్నీ బెస్టాఫ్ లక్ చెబుతూ కాదు…! “మనకెందుకండి.. ఈ కాసినోలు.. పందెలు.. ఇప్పటిదాకా పోగొట్టుకున్నది సరిపోలేదా..?” అన్న యాంగిల్‌లో వేల కొద్దీ కామెంట్లు వచ్చి పడ్డాయి. దీనికి కారణం.. జగపతిబాబు..ఆర్థికంగా చితికిపోవడానికి ఈ కాసినోలో కారణమన్న ప్రచారం ఉంది. చాలా ఇంటర్యూల్లో జగపతిబాబు.. ఈ విషయాన్ని పరోక్షంగా అంగీకరించారు. తనకు కాసినో వ్యసనం ఉందని కూడా చెప్పుకొచ్చారు.
కాసినో వ్యసనం వల్లే.. తాను ఇంటిని అమ్ముకుని అపార్ట్‌మెంట్‌లోకి మారానని… ఇప్పుడు పూర్తిగా మారిపోయానని… తాను సంపాదించే సొమ్మును ఇక నుంచి కుటుంబానికి ఖర్చు పెట్టుకుంటానని.. విలన్‌గా రెండో ఇన్నింగ్స్ ప్రారంభించిన తర్వాత మీడియా ఇంటర్యూల్లో చెప్పారు. ఆ తర్వాత జగపతిబాబు.. సీరియస్ గా… సినిమాల్లో నటించారు. తమిళ, మలయాళ సినిమాల్లోనూ ఆయన మెరిశారు. ఫుల్ బిజీగా .. హీరోలతో సమానంగా… పారితోషికం తీసుకుంటున్నారన్న ప్రచారం కూడా జరిగింది. అయితే.. హఠాత్తుగా ఆయన మళ్లీ… కాసినో నిలబడి.. ఫోటో పెట్టి.. తాను జూదానికి రెడీ అయ్యానన్నట్లుగా… కామెంట్ పెట్టడంతో… గతంతా నెటిజన్లు గుర్తు చేశారు. అయితే.. మరి కాసేపటికే.. తన ట్వీట్‌ను.. రీ ట్వీట్ చేసి.. రెండు గంటల్లోనే… మీ ఆశీస్సులన్నీ ఫలించాయి… హైదరాబాద్‌కు బయలుదేరా.. ఇక పని మాత్రమే… అన్నట్లుగా .. కొత్త పోస్ట్ పెట్టారు.
దాంతో.. రెండు గంటల్లోనే.. ఆంతా పోగొట్టుకుని.. హైదరాబాద్ బయలుదేరారా..? లేక.. ఎంతో కొంత సంపాదించుకుని వెనక్కి తిరిగొచ్చారా..? అన్న చర్చలు సోషల్ మీడియాలో ప్రారంభమయ్యాయి. మొత్తానికి కాసినోలో నిలబడి .. తీసిన ఫోటోతో పెట్టిన ట్వీట్‌తో.. ఆయనను అభిమానించే వాళ్లందర్నీ.. కాస్త ఆందోళనకు గురి చేశారన్నది మాత్రం వాస్తవం.
Your wishes worked …..
Was just here for a couple of hours….back to Hyderabad and work.. https://t.co/kOwlD8Xxow— Jaggu Bhai (@IamJagguBhai) August 3, 2019
