ఎన్టీఆర్ త్రిపాత్రిభిన‌యం చేసిన సినిమా జై ల‌వ‌కుశ‌. బాబి ద‌ర్శ‌కుడు. ఈ ద‌స‌రాకి ప్రేక్ష‌కుల ముందుకు రాబోతోంది. ఈవారంలోనే ఆడియో విడుద‌ల చేద్దామ‌నుకొన్నారు. కానీ అనివార్య కార‌ణాల వ‌ల్ల కొన్ని మార్పులూ చేర్పులూ జ‌రిగాయి. సెప్టెంబ‌రు 3న జై ల‌వ‌కుశ థియేట‌రిక‌ల్ ట్రైల‌ర్‌ని హైద‌రాబాద్‌లో విడుద‌ల చేయ‌నున్నారు. 10న ఆడియో క‌మ్ ప్రీ రిలీజ్ ఫంక్ష‌న్ ఏర్పాటు చేస్తున్నారు. వేదిక ఎక్క‌డ అన్న‌ది ఇంకా ఖ‌రారు కాలేదు. త‌మ‌న్నాని ఐటెమ్ గాళ్ ఎంచుకొన్న సంగ‌తి తెలిసిందే. ఆ పాట‌ని హైద‌రాబాద్‌లోనే తెర‌కెక్కిస్తార‌ట‌. ఆ పాట పూర్త‌యితే.. దాదాపుగా ల‌వ‌కుశ షూటింగ్ ప‌నులు కంప్లీట్ అయిన‌ట్టే. రాశీఖ‌న్నా క‌థానాయిక‌గా న‌టిస్తున్న ఈ చిత్రానికి దేవిశ్రీ ప్ర‌సాద్ సంగీతం అందిస్తున్నాడు.