మంత్రి అంబటి రాంబాబుపై జనసేన పార్టీ నేతలు విరుచుకుపడుతున్నారు. ఆయనపై రకరకాల పద ప్రయోగాలు చేస్తూ మండి పడుతున్నారు. అంబటి రాంబాబును బపూన్‌ను చేస్తూ.. ఆయన ఫోటోను మార్ఫింగ్ చేసి మరీ … నాగేంద్రబాబు ఓ ట్వీట్ చేశారు. ” బాబూ… ఓ రాంబాబు ఎన్నిస్లారు ఒకే ప్రశ్న అడుగుతావయ్యా అంటూ వ్యాఖ్యానించారు. జంబో సర్కస్ బఫూన్లు అడిగే క్లారిఫికేషన్స్ కి, వైసీపీ సర్కస్ లో నీలాంటి బఫూన్ గాళ్లు అడిగే క్లారిఫికేషన్స్ కు సమాధానం చెప్పే ఓపిక, తీరిక తమ జనసైనికులకు లేదని, తమ ప్రెసిడెంట్ కు అంతకన్నా లేద”ని నాగబాబు స్పష్టం చేశారు.

అంబటి రాంబాబు వ్యాఖ్యలపై నటుడు, నిర్మాత, పవన్ వీరాభిమాని బండ్ల గణేశ్ స్పందించారు. “అలాగే రంభల రాంబాబు గారు… మా సారు త్వరలో మీకు సమాధానం చెబుతారు” అంటూ బదులిచ్చారు. జననసైనికులు కూడా అంబటి రాంబాబుపై విరుచుకుపడుతున్నారు. తీవ్రమైన విమర్శలతో కామెంట్లు పెడుతున్నారు. దీనంతటికి కారణం.. మంత్రి అంబటి రాంబాబు చేసిన ఓ ట్వీటే. మంగళగిరి పార్టీ కార్యాలయంలో స్వాతంత్ర్య వేడుకల్లో పాల్గొన్న అనంతరం ప్రసంగించిన పవన్ కల్యాణ్ ఓట్లు చీలనివ్వబోమని వైసీపీని గెలవనివ్వబోమని ప్రకటించారు. దీనిపై స్పందించిన అంబటి రాంబాబు కాటన్ దుస్తుల చాలెంజ్ లు ఆపి, 175 సీట్లకి పోటీచేస్తున్నారా లేదా అనేది స్వాతంత్ర్య దినోత్సవం రోజైనా ప్రకటించండి అంటూ ట్వీట్ చేశారు.

అయితే సమయం సందర్భం లేకుండా జనసేన రాజకీయ వ్యూహాలపై ఎన్ని సార్లు చెప్పినా ఒకే రకమైన విమర్శలు చేస్తూండటంతో జనసేన వర్గాలు తీవ్ర అసహనం వ్యక్తం చేస్తున్నాయి. సోషల్ మీడియాలో అంబటి రాంబాబుపై విరుచుకుపడుతున్నారు. పవన్ కల్యాణ్ చాలా స్పష్టంగా తన రాజకీయ విధానాన్ని ప్రకటించారు. అయితే ఒకటే అదే పనిగా అడుగుతూ .. జనసేన సహనాన్ని వైసీపీ నేతలు పరీక్షిస్తున్నారు.